अब तपाईँको आईफोन चोर वा अन्य कसैले अनलक गर्न सक्ने छैनन्: एप्पलले शुरु गर्यो नयाँ सुरक्षा संयन्त्र

काठमाडौं ।

एप्पलले हालै एउटा नयाँ सुरक्षा संयन्त्र निर्माण गरेको छ जसले चोर लगायत कुनै दोस्रो व्यक्तिहरुलाई तपाईँको आईफोनमा पहुँच पाउन सक्ने सम्भावनालाई पूर्ण रुपमा रोक्छ।

हालसम्म आईफोनहरूलाई प्राय: कानूनी मामिलामा संलग्न गरिँदै आएको छ जसमा कानून प्रवर्तन निकायहरूले उपकरण अनलक गर्न एप्पललाई अनुरोध गर्छन्।

एप्पलले यस्तो पहुँच दिन अस्वीकार गर्ने लामो इतिहास रहेको छ र अब भने तपाईंको आईफोनलाई अझ सुरक्षित बनाउन कम्पनीले यो नयाँ संयन्त्र शुरु गरेको न्युज१८ ले उल्लेख गरेको छ।

नयाँ सुरक्षा विधि: इनएक्टिभटी रिबूट के हो

आईओएस १८.१ को नवीनतम संस्करणमा इनएक्टिभटी रिबूट भनिने एउटा नयाँ सुरक्षा सुविधा पत्ता लागेको छ जुन नयाँ आईफोन१६ श्रृंखला सहितका विभिन्न आईफोनहरु मा चलिरहेको छ।

यो विशेषता एप्पलको तर्फबाट सक्रिय हुने एउटा सुरक्षा मेकानिज्म हो जसले तपाईंको आईफोनलाई विशेष रूपमा सुरक्षित बनाउँछ विशेष गरी जब तपाईंको आईफोनअसामान्य रूपमा बन्द गरिएको छ वा कुनै असामान्य गतिविधि देखिएको छ।

यो सुविधा मुख्यत: तपाईंको आईफोन चोरी भएको वा कानून प्रवर्तन निकायहरूले नियन्त्रणमा लिएको अवस्थामा सक्रिय हुन्छ। यस्तो अवस्थामा बारम्बार विभिन्न पासवर्डहरू प्रयोग गरेर आईफोनलाई अनलक गर्ने प्रयास गरिन्छ।

इनएक्टिभटी रिबूटको शक्तिले आईफोनलाई स्वतः पुनः सुरु रिबूट गराउँछ जसले गर्दा उच्च-प्रविधिको उपकरणको प्रयोग गरेर पनि अनलक गर्न लगभग असम्भव हुन्छ।

एएफयू र बीएफयू स्टेट के हुन्?

एउटा रिपोर्ट अनुसार यो सुविधा एक निश्चित समयपछि उपकरणलाई एएफयू (आफ्टर फर्स्ट अनलक) स्टेटबाट बीएफयू (बिफोर फर्स्ट अनलक) स्टेटमा परिवर्तन गर्छ।

• एएफयू (आफ्टर फर्स्ट अनलक): यो अवस्था तब हुन्छ जब आईफोनपहिले नै एकपटक अनलक गरिएको छ।
• बीएफयू (बिफोर फर्स्ट अनलक): यो अवस्था तब हुन्छ जब आईफोनअझै अनलक गरिएको छैन।

यस सुविधाले एप्पल लाई उपकरण ट्र्याक गर्न मद्दत गर्दछ, पुनः रिबूट भएपछि आईफोन एकपटक पनि अनलक भएको छ कि छैन भनेर जाँच्छ। यदि अनलक भएको छैन भने बीएफयू स्टेट सक्रिय हुन्छ जसले आईफोनलाई अनलक गर्न अझै कठिन बनाउँछ।

नयाँ सुरक्षा प्रविधिको महत्त्व

एप्पलले नयाँ उन्नत सुरक्षा प्रविधिहरू आफ्नो उपकरणहरूमा ल्याएको देख्दा यसले चोरहरूलाई आईफोन प्रति कम आकर्षित बनउने बुझिएको छ। यदि तिनीहरूले कोड क्र्याक गर्न सकेनन् भने, आईफोनको सामग्रीहरूमा पहुँच पाउन गाह्रो हुन्छ।

इनएक्टिभिटी रिबूट र लकडाउन मोडजस्ता उपकरणहरू अधिकांश प्रयोगकर्ताहरूले कहिल्यै प्रयोग नगर्नुपर्ने हुन सक्छ, तर यिनीहरू सुरक्षा बढाउनका लागि महत्वपूर्ण विकल्पहरू हुन्।

यस प्रकारका सुरक्षा उपायहरूले आईफोनप्रयोगकर्ताहरूलाई थप सुरक्षाको आश्वासन दिन्छन्, जसले गर्दा तपाईंको व्यक्तिगत डेटा सुरक्षित रहन्छ। एप्पल को यो प्रयासले आईफोनलाई अझ सुरक्षित र भरोसायोग्य बनाउन सहयोग पुर्याउने न्युज१८ मा उल्लेख छ।