ग्यालेक्सी एस१० र नोट१० प्रयोगकर्ताहरूले पछिल्लो अपडेटपछि बुटलूपिङ रिपोर्ट गर्दै

काठमाडौं ।

सामसङ ग्यालेक्सी एस१० र नोट१० सिरिजहरू हालका मोडेलहरूबाट टाढा रहेता पनि सन् २०२४ मा अझै पनि धेरैले तिनीहरूलाई रकिङ्ग (प्रयोग) गरिरहेका छन्।

पहिलो पटक सन् २०१९ मा रिलिज भएको तिनीहरूलाई सामसङले त्यागेको छैन र अझै पनि अपडेटहरू धकेलिरहेको छ। यद्यपि, भर्खरको अपडेटले भने केही प्रयोगकर्ताहरूको लागि ठूलो समस्या निम्त्यायो उल्लेख गरिएको छ।

ग्यालेक्सी एस१० र नोट१० फोनहरूको लागि सबैभन्दा भर्खरको सफ्टवेयर अपडेटले धेरै प्रयोगकर्ताहरूको लागि बुटलूप समस्या निम्त्याएको जनाइएको छ।

यस बारे रेडिटमा रिपोर्टहरूको बढ्दो संख्या रहेको र मानिसहरूले मूल कारणको खोजी गर्न खोजिरहेका छन् भनि उल्लेख गरिएको छ। अहिलेसम्म यस बारे जानकारीहरू दुर्लभ रहेको र यो स्मार्टथिङ्गस फ्रेमवर्कसँग सम्बन्धित हेको भन्ने विश्वास गरिएको छ।

साथै हालको लागि यसको एक मात्र समाधान भनेको पूर्ण फ्याक्ट्री रिसेट भएको उल्लेख गरिएको छ। एन्ड्रोइडमा बुट गर्न नसकिने भएकाले यसको रिकभरी मोड मार्फत फ्याक्ट्री रिसेट गर्नु पर्ने जनाइएको छ।

अहिलेसम्म, सामसङले यस मुद्दामा कुनै आधिकारिक टिप्पणी नगरेको र समस्याको हद बारे थाहा नभएको उल्लेख गरिएको छ। यस बारे सम्भवतः छिट्टै थाहा पाउन सकिने जीएसएमएरिनाले उल्लेख गरेको छ।