सडकको खाल्डोमा प्यासेन्जर सहित खसे पठाओ चालक

काठमाडौं ।

बुधबार बिहान यात्रु लिएर चाबहिलबाट बालाजु आउने क्रममा पठाओ चालक र प्यासेन्जर दुबै जना मोटरसाईकलसहित सडकको खाल्डो भित्र खसेका छन्। चाबहिलदेखि लैनचौर–सोह्रखुट्टे भएर बालाजु तर्फ जाने क्रममा दुर्घटना भएको जनाइएको छ।

“बाइक ग्वाम्मै छिर्यो, बाइकसँगै–सँगै म पनि छिरेँ, मेरो डेढ लाखको मोबाइल पनि छिर्यो साथमा प्यासेन्जर पनि छिर्यो। तर बाइक माथि म परें अनि बाइकमा टेकेर म माथि रोडलाई सपोर्ट गरेर रोडमा समाएर प्यासेन्जरलाई निकाले र म पनि बाहिर निस्के” विकल शाक्यले बताएका छन्।

साथै चालक लगायत महिला यात्री दुबै जना सकुशल रहेका छन्।

दुर्घटनामा परेको उक्त मोटरसाइकललाई काठमाडौं महानगरपालिकाका नगर प्रहरी र बारुण यन्त्र कार्यालय न्युरोडका सहायक प्रहरी नायव निरीक्षक दिपेश अधिकारी लगायतको टोलीले क्रेनले तानेर बाहिर निकालेको जनाइएको छ।

सडक भासिएर पानीको आहालजस्तो बनेको खाल्डोमा मोरङ्ग घर भएका हाल चाबहिलमा बस्दै आएका पठाओ चालक विकल शाक्य आफ्नो प्यासेन्जर र उनको मोटरसाइकल (बा.५०प ३८२) सडकको खाल्डोमा खसेका थिए।

काठमाडौं महानगरपालिका १६ नयाँबजारस्थित कुमारी टोलको गेट अगाडिको सडक मुनि रहेको मेलम्ची खानेपानी आयोजनाको पाइप फुटेर करिब ११ फिटको खाल्डो परेको बताईएको छ।