टोयोटाको दुई ईभी क्रसओभर कन्सेप्ट सार्वजनिक

काठमाडौं ।

टोयोटाले सोमबार २०२६ सम्ममा ब्याट्री इलेक्ट्रिक सवारी (बीईभी) को युरोपेली लाइनअपलाई ६ मोडेलमा विस्तार गर्ने योजना बनाएको बताएको छ।

अटोमेकरले आफ्नो आगाभी ईभी फ्लीटका लागि दुई नयाँ कन्सेप्ट प्रस्तुत गरेको छ। अर्बन एसयूभी र स्पोर्ट क्रसओभर रहेको जुन २०२५ मा युरोपमा लन्च गर्ने कार्यतालिका बनाइएको छ।

रोयटर्सका अनुसार बिक्रीका आधारमा विश्वको सबैभन्दा ठूलो अटोमेकरले हाल एक मात्र फूल इलेक्ट्रिक मोडलर बीजेड४एक्स बिक्री गर्छ। टोयोटाले ३०३५ सम्म १०० प्रतिशत कार्बन न्यूट्रालिटीको लक्ष्य राखेको छ।

कम्पनीको दुई नयाँ कन्सेप्ट बीजेड४एक्स र गत वर्ष प्रदर्शन गरिएको कम्प्याक्ट एसयूभीमा समावेश हुनेछन्। टोयोटाको नयाँ अर्बन एसयूभी कन्सेप्ट २०२४ मा युरोपेली लन्चको लागि तय गरिएको छ। कम्पनीको ‘प्रामाणिक एसयूभी डिजाइन’ ले कम्पनीको यारिस क्रसबाट प्रेरणा लिन्छ, जुन यसको श्रेणीमा शीर्ष बिक्रेता हो। अर्बन एसयूभी कन्सेप्ट फ्रन्ट–ह्विल र अल–ह्विल ड्राइभ विकल्पहरू र दुई ओटा ब्याट्री टियरहरूमा आउनेछ – एउटा बजेट र अर्को लंङ रेञ्ज। स्पोर्ट क्रसओभर कन्सेप्ट २०२५ देखि उत्पादनमा जाने विश्वास गरिएको छ।

टोयोटाले सन् २०२६ र त्यसपछिका नयाँ पुस्ताका ब्याट्रीहरू लन्च गर्ने योजना बनाएको छ। पहिलो पर्फमेन्समा ध्यान केन्द्रित गर्दै दुई गुणा रेञ्जका साथ परम्परागत संरचना र बीजेड४एक्सको तुलनामा २० प्रतिशत सस्तो मूल्यमा प्रस्तुत गरिनेछ। दोस्रो ब्याट्री ‘राम्रो गुणस्तरको, कम लागतमा’ ईभीलाई अपनाउन प्रोत्साहन गर्न डिजाइन गरिएको हुनेछ। यसमा वाईपोलार संरचनाको साथ “नयाँ आकार“ हुनेछ। जसमा मुख्य रूपमा सस्तो लिथियम आइरन फस्फेट (एलएफपी) प्रयोग गरिनेछ। यस सेलको साथ, टोयोटाले बीजेड४एक्स भन्दा २० प्रतिशत उच्च रेञ्ज र ४० प्रतिशत कम लागतको लक्ष्य राखेको छ।

तेस्रो उच्च निकल क्याथोड र वाईपोलर प्रविधिहरू प्रयोग गर्दै ब्याट्री कडा रूपमा उच्च प्रदर्शन हुनेछ। ‘कम लागत र थप विस्तारित ड्राइभिङ रेञ्ज पनि अपेक्षित छ’ टोयोटाले ब्याट्रीको रेञ्ज र मूल्य निर्धारण लक्ष्यहरूको बारेमा भनेको थियो।