काठमाडौं ।
इलन मस्कको सोशल मिडिया एप एक्सले अडियो र भिडियो कल फिचरहरू रोल आउट गर्दैछ। इलन मस्कले पोस्टमार्फत एक्सको भिडियो र अडियो कलिङको प्रारम्भिक संस्करणको सेटिङ्समा नयाँ सुविधा कसरी अन गर्ने भनेर देखाउने स्क्रिनसटसहित उक्त खुलासा गरेका हुन्।
द भर्जको एक रिपोर्टअनुसार, धेरै एक्स प्रयोगकर्ताहरूले एप खोल्दा एउटा सूचना प्राप्त गरेका थिए। “अडियो र भिडियो कलहरू यहाँ छन्!” नोटिफिकेसनमा बताइएको थियो।
एक्सले आधिकारिक रूपमा प्लेटफर्ममा अडियो र भिडियो कलिङ सुरु गरेको छैन। यद्यपि, कम्पनीले फिचर देखापर्न सुरु हुनु अघि “यसका लागि तयार छ…?” भन्ने गुप्त पोस्टको साथ परीक्षणमा देखा परेको रिपोर्टले बताएको छ।
स्क्रिनसटले यूजर्स एड्रेस बुकमा भएका, सबै प्रमाणित प्रयोगकर्ताहरू र प्लेटफर्ममा “फलो” गर्ने मानिसहरूलाई भ्वाइस र अडियो कलहरू इनेबल गर्ने विकल्पहरू देखाउँछ।
इलन मस्कले अगस्टमा एक्स प्रयोगकर्ताहरूले आफ्नो फोन नम्बरहरू शेयर नगरीकन प्लेटफर्ममार्फत भिडियो र अडियो कलहरू गर्नसक्ने बताएका थिए।
गत वर्ष ४४ बिलियन डलरमा ट्विटर किनेका मस्कले नयाँ सुविधाहरूको लागि एक्सले “इफेक्टिभ ग्लोबल एड्रेस बुक” को रूपमा काम गर्ने तथा प्रयोगकर्ताहरूले आईओएस, एन्ड्रोइड, म्याक र पीसीहरूमा एक्समार्फत कल गर्न सक्ने बताएका छन्।
ट्विटर प्राप्त गरेदेखि, मस्कले सिग्नेचरको नीलो बर्ड लोगोलाई हटाएको छ, तथा पहिले प्रतिबन्धित प्रयोगकर्ताहरूलाई पुनर्स्थापित गर्ने र खाताहरू ब्लक गर्ने क्षमतालाई खारेजसहित परिवर्तनहरूको बाटो प्रस्तुत गरेको उल्लेख छ।
यस महिनाको सुरुमा, एक्सले वेबमा पोस्ट गर्न वा अन्य प्रयोगकर्ताहरूसँग अन्तर्क्रिया गर्न चाहने नयाँ खाताहरूका लागि एक अमेरिकी डलर प्रतिवर्ष सदस्यता शुल्कको परीक्षण गर्न थाल्यो।
“नट ए बट” भनिने परीक्षण न्यूजील्याण्ड र फिलिपिन्समा रोल आउट भयो, एक्सले मंगलबार एक ब्लग पोस्टमा बताएको छ। शुल्क नतिर्ने नयाँ प्रयोगकर्ताहरूले साइटमा पोस्टहरू लेख्ने, मन पराउने, जवाफ दिने वा बुकमार्क गर्ने जस्ता केही कार्यहरू गर्न सक्षम हुने छैनन्।
“यसले सानो शुल्क रकमको साथ प्लेटफर्म पहुँचलाई सन्तुलनमा राख्दै हामीलाई एक्समा बटहरू र स्पामरहरू विरुद्ध लड्न मद्दत गर्नको लागि एक सम्भावित शक्तिशाली उपायको मूल्याङ्कन गर्नेछ,” ब्लग पोस्टमा बताइएको छ।
“यस परीक्षणमा, एग्जिस्टिङ यूजर्सहरू प्रभावित छैनन्,” ब्लगले भन्यो। “नि:शुल्क पढ्नुहोस्, तर लेख्नको लागि अमेरिकी डलर १/वर्ष,” मस्कले घोषणा पछि एक्समा पोस्ट गरे।
प्रकाशित: ११ कार्तिक २०८०, शनिबार
