काठमाडौं ।
स्मार्टफोन ब्राण्ड वानप्लसले फोल्डेबल फोनमा काम गरिरहेको छ। यस्तोमा कम्पनीले आफ्नो पहिलो फोल्डेबल फोनको नाम ट्विटरमा टिच गरेको छ।
ट्विटरको टिच अनुसार डिभाइसलाई ‘वानप्लस ओपन’ भनिनेछ।
ऋरु फोल्ड हुँदा हामी ओपन वानप्लसले ट्वीट गरेको छ।
चखलोग्दो विषय के छ भने पोष्ट सोही दिन सेयर गरिएको थियो जुन दिन सामसङले आफ्नो फोल्डेबलको पछिल्लो पुस्ता सामसङ ग्यालेक्सी जेड फोल्ड ५ र सामसङ ग्यालेक्सी जेड फ्लिप ५ लाई दक्षिण कोरियामा सामसङ ग्यालेक्सी अनप्याक्ड कार्यक्रममा लन्च गरिएको थियो।
रिपोर्टका अनुसार वानप्लसको पहिलो फोल्डेबल यस वर्षको तेस्रो त्रैमासिकमा रिलिज हुने सम्भावना छ।
सार्वजनिक अघि फोल्डेबल डिभाइसको रेन्डर अनलाइनमा देखा पर्न थालेका छन्। यी रेन्डर स्मार्टप्रिक्सले अनलिक्ससँगको सहकार्यमा साझेदारी गरिएको हो। यी रेन्टर प्रोटोटाइप मोडलको आधारमा सिर्जना गरिएको थियो।
तस्विरहरूमा स्ट्यान्डआउट फिचर पछाडिको प्रमुख सर्कुलर क्यामरा मोड्युल तथा तीन क्यामरा सेन्सरहरू राखिएको छ र आइकोनिक ह्यासलब्लाड ब्रान्डिङको विशेषता रहेको छ। रियर क्यामरा फ्ल्यसा लेफ्ट कर्नर र क्यामरा आईल्याण्ड भन्दा बाहिर छ।
रेन्डरमा देखिएको अर्को उल्लेखनिय पक्ष लोकप्रिय अलर्ट स्लाइडर र पावर बटनमा एकीकृत फिन्गरप्रिन्ट स्क्यानर समावेश छ।
वानप्लस फोल्डेबलमा क्वालकम एसएम८४७५ स्न्यापड्रागन ८ पल्स जेन २ प्रोसेसरद्वारा सञ्चालिन हुने विश्वास गरिएको छ। २ के १२० हर्ज एमओएलईडी प्यानलको डिस्प्लेले उच्च रिफ्रेस रेट प्रदान गर्छ।
वानप्लस फोल्डेबल फोनमा ५० मेगापिक्सेल (आईएमएक्स८९०) मुख्य क्यामरासहित अल्ट्रा वाईड लेन्स र पिपेरिस्कोप लेन्स हुनेछ। सेल्फी र भिडियो कलका लागि ३२ मेगापिक्सेल (ओभी३२सी) क्यामरा दिइनेछ।
प्रकाशित: १२ श्रावण २०८०, शुक्रबार
