काठमाडौं ।
भारतीय गेमरहरूले प्रति हप्ता औसतमा ८.५–११ घण्टा गेमिङमा बिताउने गरेका छन्। र, पुरुषभन्दा महिलाले बढी समय बिताउने गरेको अनुसन्धानले देखाएको छ।
अमेजन वेब सर्भिस (एडब्ल्यूएस) सँगको सहकार्यमा लुमिकाईद्वारा स्टेट अफ इन्डिया गेमिङ रिपोर्ट २०२२ मा प्रकाशित गरिएको अनुसार महिलाहरुले औसतमा प्रति हप्ता ११.२ घण्टा गेम खेल्ने गरेका छन्। पुरुषहरुले हप्तामा १०.२ घण्टा गेममा बिताउने गरेका छन्।
नयाँ अनुसन्धानले बहु जनसांख्यिकी र भौगोलिक क्षेत्रहरूमा २ हजार २४० स्मार्टफोन प्रयोगकर्ताहरूमा सर्वेक्षण गरेको लाइभमिन्टले उल्लेख गरेको छ। सर्वेक्षणमा समावेश गेमरहरू मध्ये ५६% गैर–महानगरहरूबाट थिए, जबकि मिडकोर र हार्डकोर कोटीहरूले क्रमशः ५३% र ५९% मा मेट्रो प्रयोगकर्ताहरूको उच्चतम प्रतिशत प्रदान गर्दछ। कुल सर्वेक्षण प्रयोगकर्ताहरू मध्ये, ६०% गेमरहरू पुरुष र ४०% महिलाहरू थिए।
सर्वेक्षणको निष्कर्षमा स्मार्टफोनमा ९८%, २३% पीसी÷ल्यापटपमा र १४% गेमिङ कन्सोलबाट गेम खेल्ने गरेको देखिन्छ। रमाइलोका लागि ५०%, पैसा कमाउने १३%, समय बिताउन १२% र सामाजिककरण ११ प्रतिशत छ।
सर्वेक्षण अनुसार बीजीएमआई, क्लास अफ क्ल्यान लगायत मिड–कोर गेममा प्रति हप्ता ३.४ घण्टा औसत समय बिताइने गरिन्छ। हार्र्डकोर डोटा२, जेनसिन इम्प्याक्ट र रियल मनी गेममा हप्तामा औसत ३.३ घण्टा समय बिताइने गरिन्छ।
सर्वेक्षण अनुसार ४८ प्रतिशत नन् गेमहरुले लुडो किङ, क्यान्डी क्रस लगायत अनौपचारिक गेमलाई मुख्य प्राथमिकतामा राखेका छन् भने ३५ प्रतिशत गेमरहरुले पछिल्लो १२ महिनामा गेमिङमा बिताएको समय बढाएको स्वीकार गरेका छन्।
प्रकाशित: २४ चैत्र २०७९, शुक्रबार
