काठमाडौं ।
अमेरिकी पुनरावेदन अदालतले शुक्रबार डिजिटल अधिकार प्रबन्धनसँग सम्बन्धित पेटेन्ट उल्लङ्घन गरेको आरोपमा एप्पल इंक विरुद्ध ३०८.५ मिलियन डलर जूरीको फैसला रद्द गर्ने निर्णयलाई पुष्टि गरेको छ।
वाशिंगटन, डीसीमा संघीय सर्किटको लागि अमेरिकी अपील अदालतले पूर्वी टेक्सास संघीय न्यायाधीशको निर्णयलाई समर्थन गर्यो र पर्सनलाइज्ड मिडिया कम्युनिकेसन एलएलसीको पेटेन्ट अमान्य भएको जनाएको छ। यसअघि कम्पनी अमेरिकी पेटेन्ट र ट्रेडमार्क कार्यालयमा गलतरुपमा प्रस्तुत गरेकोमा संलग्न भएको भन्दै सो मुद्दा रद्द गरेको रोयटर्सले रिपोर्ट गरेको छ।
एक प्याटेन्ट लाइसेन्स कम्पनी पीएमसीले २०१५ मा धेरै प्याटेन्टहरू उल्लङ्घन गरेको भन्दै एप्पलमाथि पहिलो मुद्दा दायर गरेको थियो। एक पूर्वी टेक्सास जूरीले अगस्त २०२१ मा चलचित्र, संगीत र एपहरू डिक्रिप्ट गर्न एप्पलको आइट्यून्स र एप स्टोरमा प्रयोग गरिएको फेयरप्ले सफ्टवेयरले एउटा पेटेन्टको उल्लङ्घन गरेको निर्णय थियो र कम्पनीलाई क्षतिपूर्तिमा ३०८.५ मिलियन डलर दिन भनिएको थियो।
जिल्ला न्यायाधीश रोडनी गिलस्ट्र्यापले चार महिनापछि उक्त फैसला उल्टाए। उनले पीएमसीको पेटेन्ट लागू गर्न नसकिने बताएका थिए, किनकी कम्पनीले “वैधानिक प्याटेन्ट प्रणालीको सचेत र गम्भीर दुरुपयोग” को प्रतिनिधित्व गर्दै पेटेन्टको लागि आवेदन दिन “जानीजानी ढिलाइको रणनीति” प्रयोग गरेको थियो।
प्रकाशित: ८ माघ २०७९, आईतवार
