काठमाडौं ।
इलेक्ट्रिक टू-ह्वीलर निर्माता एथर इनर्जीले आफ्नो ४५०एक्स इलेक्ट्रिक स्कुटर ठूलो ब्याट्रीसहित सार्वजनिक गर्ने तयारी गरेको छ।
एथरको फ्ल्यागशिप इलेक्ट्रिक स्कुटर ४५०एक्स वर्तमानमा २.९ किलोवाट आवर क्षमताको लिथियम आयन ब्याट्री र फुल चार्जमा ११६ किलोमिटर रेञ्ज प्रदान गर्छ।
एथर ४५० एक्सको मूल्य १ लाख ३८ हजार भारु (एक्स–सोरुम, दिल्ली) तोकिएको छ।
ड्राइभस्पार्कका अनुसार एथर ४५० एक्समा ३.६६ किलोवाट आवरको लिथियम-आयन ब्याट्री राखिने सम्भावना छ। यस ब्याट्रीको मद्दतले स्कुटरको रेञ्ज १४६ किलोमिटरसम्म हुने अनुमान गरिएको छ।
एथरको नयाँ ४५०एक्स ई-स्कुटर निर्माण शुरु गर्नका लागि अटोमोटिभ रिसर्ज एसोसिएशन अफ इन्डिया (एआरएआई)बाट अनुमति प्राप्त भइसकेको छ।
नयाँ ४५०एक्स ई-स्कुटरमा ४ देखि ५ फरक फरक राइडिङ मोड दिइने छ। तर एथरको तर्फबाट यसको आधिकारिक जानकारी भने आएको छैन।
हालको एथर ४५०एक्स साढे ३ घण्टामा ० देखि ८० प्रतिशत चार्ज हुन्छ र १० मिनेटको चार्जमा १५ किलोमिटरसम्म चलाउन सकिन्छ।
प्रकाशित: १३ असार २०७९, सोमबार
