काठमाडौं ।
आगामी आईफोन १४ को लन्च हुनु अघि, एप्पलले ठूलो सफलता हात पारेको छ। वास्तवमा, एक रिपोर्टले खुलासा गरेअनुसार प्रयोगकर्ताहरूले एप्पललाई एक स्मार्टफोनबाट अर्कोमा स्विच गर्ने सन्दर्भमा सबैभन्दा धेरै मन पराउँछन्। अर्थात्, यदि कुनै प्रयोगकर्ताले आफ्नो ब्रान्ड बाहेक अन्य ब्रान्ड अपनाएमा आइफोन नै उसको पहिलो रोजाइ हो।
यसैबीच, यसैवर्ष लन्च हुने आईफोन १४ लाई गेम-चेन्जरको रूपमा प्रचार गरिएको छ। यस्ता रिपोर्टहरु बाहिर आएपछि आईफोन १४ को लोकप्रियता अझै बढ्ने छ ।
यदपी, एक स्मार्टफोनबाट अर्कोमा स्विच गर्न, प्रयोगकर्ताहरूसँग बजारमा धेरै ब्रान्डहरू छन्। तर जब यो दुई स्मार्टफोन ब्रान्डहरू सामसंग र एप्पल बीच स्विच गर्ने विषय आउँछ त्यसबेला मानिसहरू एप्पल किन्न चाहन्छन्।
आईफोन पहिलो रोजाइ
गीज्मोचाइनाको रिपोर्ट अनुसार एप्पलले सामसङलाई ठूलो अन्तरले पछि पारेको छ। रिपोर्टका अनुसार ७३ प्रतिशत प्रयोगकर्ताहरूले एउटा स्मार्टफोन ब्रान्डबाट अर्को ब्रान्डमा स्विच गर्दा आइफोन रोज्ने बताएका छन् भने १६ प्रतिशतले मात्रै दक्षिण कोरियाली ब्रान्ड सामसङ किन्न चाहन्छन्।
आईफोन १३ अझै टपमा
गत वर्ष, एप्पलले आफ्नो आईफोन १३ श्रृंखला अन्तर्गत चार स्मार्टफोनहरू लन्च गर्यो – आईफोन १३, आईफोन १३ प्रो, आईफोन १३ प्रो म्याक्स र आईफोन १३ मिनी। यी मध्ये, आईफोन १३ र आईफोन १३ प्रो अझै ठूलो संख्यामा बिक्री भइरहेको छ। आईफोनको बिक्रीको तथ्याङ्कको बारेमा कुनै जानकारी छैन।
यद्यपि, आईफोन १३ सन् २०२२ मा २५ प्रतिशत शेयरको साथ बजारमा शीर्षमा रहन्छ। यसपछि, आईफोन १३ प्रो म्याक्स १६ प्रतिशत र आईफोन १३ प्रो १३ प्रतिशत बजार हिस्साका साथ छ।
प्रकाशित: ६ असार २०७९, सोमबार
