शाओमीले कस्टमाइज्ड एसयू७ कारको डेलिभरी सुरु गर्यो, बिक्री अपेक्षित भन्दा ५ गुणा बढी
काठमाडौं ।
शाओमीले आफ्नो पहिलो विद्युतीय सवारी (ईभी) मोडेल, एसयू७(SU7) को लागि कस्टमाइज्ड सवारी साधनको डेलिभरी सुरु गरेको छ। स्मार्टफोन जायन्टका सीईओले बताएअनुसार कम्पनीको पहिलो इभीको बिक्री अपेक्षा भन्दा माथि छ।
एसयू७ इलेक्ट्रिक सेडानका स्ट्याण्डर्ड र म्याक्स भेरियन्टका अनुकूलित गाडीहरूको डेलिभरी बेइजिङ र शेन्जेनमा सुरु भएको शाओमीका संस्थापक, अध्यक्ष र सीईओ लेई जुनले टिकटकको चिनियाँ भिडियो प्लेटफर्म डौयुईनमा लाइभ स्ट्रिमिङमा भनेको सीएनईभीपोस्टले उल्लेख गरेको छ।
“यो शाओमीको अप्रिलको अन्त्यमा डेलिभरी सुरु गर्ने मूल योजना भन्दा १२ दिन अगाडि हो, र एसयू७ प्रोको डेलिभरी अझै मेको अन्त्यमा सुरु हुनेछ,” उनले भने।
शाओमी एसयू ७ ले घरेलु रूपमा उत्पादित कारहरूको लागि धेरै रेकर्डहरू स्थापित गरेको छ। यसको पहिले अपेक्षित भन्दा तीन देखि पाँच गुणा बढी अर्डरहरू, र कम्पनीले डेलिभरीको माग पूरा गर्न पूर्ण उत्पादन गरिरहेको लेईले बताए।
शाओमीले आधिकारिक रूपमा एसयू ७ मार्च २८ मा लन्च गर्यो, जसको बजार मूल्य २१५,९०० युआन (२९,८२० डलर) देखि शुरु हुन्छ। जसमा मानक, प्रो र म्याक्स तीन संस्करणहरू प्रदान गर्दछ।
कस्टमाइज्ड (अनुकूलित) कारको मानक र म्याक्स संस्करणको डेलिभरी अप्रिलको अन्त्यमा र प्रो संस्करण मेको अन्त्यमा सुरु हुने कम्पनीले मोडेलको लन्च कार्यक्रममा जानकारी दिएको थियो