अटो टेक

स्टेलान्टिसले चिनियाँ इभी कम्पनी लीपमोटरमा १.५८ अर्ब डलर लगानी गर्ने

स्टेलान्टिसले चिनियाँ इभी कम्पनी लीपमोटरमा १.५८ अर्ब डलर लगानी गर्ने
Global IME Bank

चिनियाँ विद्युतीय सवारी (इभी) निर्माता लीपमोटरले बिक्रीको आधारमा युरोपको दोस्रो ठूलो कार निर्माता कम्पनी स्टेलान्टिस एनभीसँग गठबन्धनको घोषणा गरेको छ।

स्टेलान्टिसले लीपमोटरमा करिब २० प्रतिशत सेयरका लागि १.५ बिलियन युरो (१.५८ बिलियन डलर) लगानी गर्नेछ र कम्पनीको सञ्चालक समितिमा दुई ओटा सिट पाउने चिनियाँ ईभी फर्मले घोषणा गरेको सीएनईभीपोस्टले रिपोर्ट गरेको छ।

“दुई कम्पनीहरूले स्टेलान्टिसको विश्वव्यापी स्रोतहरू प्रयोग गरेर लीपमोटरका उत्पादनहरूको विश्वव्यापी बिक्रीलाई तीव्रता दिन र विस्तार गर्न लीपमोटर इन्टरनेशनल नामक संयुक्त उद्यम स्थापना गर्ने योजना बनाएका छन्,” घोषणामा भनिएको छ।

संयुक्त उद्यममा स्टेलान्टिसको ५१ प्रतिशत हिस्सा रहनेछ भने अन्य ४९ प्रतिशत लिपमोटरको हुनेछ।

यो व्यवस्था चाखलाग्दो छ किनभने चीनले आफ्नो अटो बजारलाई विदेशी लगानीका लागि पूर्णरूपमा खोल्नु अघि, देशमा प्रवेश गर्ने विदेशी कार निर्माताहरूले स्थानीय कार निर्माताहरूसँग ५० प्रतिशतभन्दा बढी इक्विटी राख्नको लागि संयुक्त उद्यम स्थापना गर्न आवश्यक थियो।

संयुक्त उद्यमसँग ग्रेटर चाइना बाहेक विश्वका अन्य सबै बजारहरूमा निर्यात र बिक्री सञ्चालन गर्ने विशेष अधिकार छ, साथै स्थानीय रूपमा लीपमोटर उत्पादनहरू उत्पादन गर्ने विशेष अधिकारहरू छन्।

“दुई कम्पनीहरू बीचको विश्वव्यापी साझेदारीको स्थापना पहिलो उद्योग हुनेछ, जहाँ विश्वको अग्रणी अटोमेकर र चीनबाट विद्युतीय सवारी साधनहरूमा नयाँ शक्तिले विश्वव्यापी विद्युतीय सवारी कार्यक्रममा सहकार्य गर्नेछ,” लीपमोटरले भन्यो।

स्टेलान्टिसले आफ्नो “डेयर फर्वार्ड २०३०” रणनीतिक योजनाको विद्युतीकरण लक्ष्यहरू प्राप्त गर्न लीपमोटरको लागत-प्रभावी ईभी इकोसिस्टमको लाभ उठाउने योजना बनाएको छ।

स्टेलान्टिसको लीपमोटरको बोर्ड अफ डाइरेक्टरमा दुईवटा सिट हुनेछ र युरोपेली अटोमेकरले लीपमोटर इन्टरनेशनलको प्रमुख कार्यकारी अधिकृत नियुक्त गर्नेछ।

Sajilo Visa
easy care