काठमाडौं ।
यस वर्ष चिनियाँ इलेक्ट्रिक कार निर्माता बीवाईडीले सी लायन, सिगल र सिल नामका तीनवटा विद्युतीय कार लन्च गर्ने भएको छ। यस बारेमा केही समयदेखि लीकबाट तीनओटै विद्युतीय कारको बारेमा जानकारी पाइरहेका थियौं।
अब, एक रिपोर्टले दाबी गरेअनुसार बीवाईडीले यी तीनवटै इलेक्ट्रिक कारहरू यसै वर्ष लन्च गर्ने योजना बनाएको छ। बीवाईडीलाई अमेरिकी अर्बपति लगानीकर्ता वारेन बफेटसहित विश्वभरका धेरै ठूला लगानीकर्ताहरूले लगानी गरेका छन्।
गीज्मोचाइनाको रिपोर्टअनुसार बीवाईडीले यस वर्ष सी लायन, सिगल र सिलनामक तीनओटा नयाँ इलेक्ट्रिक कारहरू लन्च गर्ने योजनामा छ। कम्पनीले उपलब्ध गराएको विद्युतीय कारको नाम समुद्री जीवको नाममा राखिएको यो पहिलो पटक भने होइन । सन् २०२१ मा पनि कम्पनीले बीवाईडी डल्फिन इभी नामक इलेक्ट्रिक कार ल्याएको छ।
प्रतिवेदनले अहिलेसम्म तीनवटा विद्युतीय कारको बारेमा अनलाइन उपलब्ध जानकारी पनि सङ्कलन गरेको छ। रिपोर्टमा भनिएअनुसार बीवाईडी सिल लन्च हुने तीन कार मध्ये पहिलो हुनेछ। यो सन् २०२२ को पहिलो त्रैमासिक अर्थात आउँदो केही महिनामा चीनमा लन्च हुन सक्ने बताइएको छ । यसको मूल्य १ लाख ५० हजार चिनियाँ यूआनदेखि २ लाख युआनकाबीच हुनसक्नेछ।
एक रिपोर्टलाई उद्धृत गर्दै, गीज्मोचाइनाले दिएको जानकारी अनुसार बीवाईडी सिल इलेक्ट्रिक कारमा ८०० भोल्ट ब्याट्री प्याक समावेश हुनेछ, जसले ७०० किलोमिटर सम्मको दायरा प्रदान गर्न सक्षम हुनेछ। यो गाडी एउटा आरडब्लूडी र एडब्लूडी भेरियन्ट गरेर २ भेरियन्टमा आउन सक्छ। एडब्लूडी मोडेलले ३ सेकेन्ड (३.३ वा ३.४ सेकेन्ड) मा ०-१०० किमी/घन्टाको गतिमा गति लिन सक्नेछ। एडब्लूडी मोडलमा दुईवटा मोटरहरू हुनेछन्, एउटा २०० किलोवाट र अर्को १६० किलोवाटको पावर उत्पादन गर्न सक्ने, जबकि आरडब्लूडी मोडलका दुईवटा मोटरहरूले १५० किलोवाट र १८० किलोवाटको पावर उत्पादन गर्नेछन्।
बीवाईडी सिगल कार चीनमा २०२२ को दोस्रो क्वाटरमा घोषणा गरिनेछ। यो एक बजेट इलेक्ट्रिक कार हुन सक्छ, जुन कम्प्याक्ट हुनेछ। यसको मूल्य ६०,००० देखि ८०,००० युआन (करिब ७ लाखदेखि ९.५ लाख रुपैयाँ) सम्म रहेको बताइएको छ।
बीवाईडी सी लायन इलेक्ट्रिक कार यस वर्षको तेस्रो त्रैमासिकमा चीनमा लन्च हुनेछ। यो कम्पनीको फ्ल्यागशिप इलेक्ट्रिक कार हुनेछ, जुन २ लाखदेखि २ लाख ५० हजार युआन बीचमा लन्च गर्न सकिन्छ। भर्खरै, लीकस्टर ग्रेग केबलले पनि बीवाईडी सी लायनको तस्बिर ट्विटरमा साझा गरेका थिए।
प्रकाशित: १० माघ २०७८, सोमबार
