सामसङले र्यामको बढ्दो मूल्यलाई असामान्य तरिकाले सन्तुलित गर्न खोजिरहेको रिपोर्ट

काठमाडौं ।

गत वर्ष वा सोभन्दा बढी समयमा मेमोरी चिप्सको बढ्दो मूल्यले विशेष गरी लो–इण्डदेखि मिड–रेञ्जका डिभाइसहरूको पोर्टफोलियो भएका स्मार्टफोन निर्माताहरूका साथै इलेक्ट्रोनिक सामानका निर्माताहरूलाई बोझ सन्तुलित गर्न विभिन्न रणनीतिहरू ल्याउन बाध्य पारेको छ।

किफायती डिभाइसहरूको मूल्य बढाउनाले सम्भावित रूपमा समस्या निम्त्याउन सक्छ। तर यो आवश्यक रूपमा हाई–इण्डका स्मार्टफोनहरूमा लागू नहुने र यो खण्डमा निर्माताहरूले उपभोक्ताहरूलाई लागत सार्न बढी इच्छुक हुने गरेका छन्।

कोरियाली प्रकाशन डिलसाइटको एक रिपोर्टले सामसङले ग्यालेक्सी ए५७ सहित आफ्ना केही मिड–रेञ्ज मोडेलहरूमा आफ्नो घरमै बनाइएका ओएलईडी प्यानलहरूलाई चिनियाँ सीएसओटी–निर्मित ओएलईडीहरुको लागि साटेको सुझाव दिएको छ।

त्यसैगरी सामसङले ग्यालेक्सी जेड सिरिजको लागि दक्षिण कोरियाली हिञ्ज आपूर्तिकर्ता केएच भाटेकबाट ग्यालेक्सी जेड फल्प७ को लागि चिनियाँ हुनालीमा स्विच गरेको रिपोर्ट गरिएको छ। साथै ग्यालेक्सी एस सिरिजका केही अल्ट्रावाइड क्यामरा मोड्युलहरू अब चिनियाँ भएको बताइएको छ।

सामसङको लागि समग्र लागत घटाउन र र्याम मूल्यहरूको प्रभावलाई अवशोषित गर्न चिनियाँ आपूर्तिकर्ताहरूमा निर्भरता आवश्यक रहेको बताइएको छ। यो तरिकाले कोरियाली टेक जायन्टले अन्तिम उपभोक्ताका लागि मूल्य बढाउनु नपर्ने उल्लेख गरिएको छ।

कोरियाली कम्पोनेन्टहरूलाई “उच्च–गुणस्तर” को रूपमा हेरिने भएको हुनाले कोही–कोहीका लागि यो स्वीकार्य नहुने उल्लेख गरिएको छ। तर वास्तविकतामा भने चिनियाँ निर्माताहरूले प्रविधिसँग नजिक भइसकेका छन् र कम लागतमा उही पार्टपुर्जाहरू प्रदान गरिरहेका छन्।

सामसङ आगामी महिना र वर्षहरूमा चिनियाँ कम्पोनेन्टहरूमा बढ्दो रूपमा निर्भर हुने र त्यसले गर्दा स्थानीय आपूर्तिकर्ताहरूलाई असर गर्ने यो विषयमा परिचित व्यक्तिहरूको विश्वास रहेको जीएसएमएरिनाले रिपोर्ट गरेको छ।