काठमाडौं ।
भिभोले एक स्मार्टफोनमा काम गरिरहेको छ जसमा विस्तारित डिस्प्ले हुनेछ। यो प्रविधि ओपोको रोल गर्न मिल्ने स्मार्टफोन ओपो एक्स २०२१ कन्सेप्ट फोन जस्तै हुनेछ।
चिनियाँ स्मार्टफोन निर्माताले मे २०२१ मा यो विस्तारयोग्य डिस्प्ले स्मार्टफोनको पेटेन्ट दर्ता गरेको थियो। वीपोले यस पेटेन्टको विवरण २ डिसेम्बर २०२१ मा प्रकाशित गरेको थियो। यद्यपि, प्रकाशित जानकारीमा फोनको हार्डवेयर स्पेसिफिकेशनको विवरण भने बाहिरिएको छैन।
९१ मोबाइल्सले पोस्ट गरेको पेटेन्ट विवरणहरूमा यो भिभो स्मार्टफोनको रेखाचित्र रहेको छ। रेखाचित्रमा, फोनको पछाडि ट्रिपल क्यामरा सेटअप र विस्तारयोग्य हिंज देख्न सकिन्छ। साथै, अगाडिको प्यानलमा विस्तार गर्न मिल्ने डिस्प्लेको माथिल्लो दायाँ कुनामा पंच-होल डिजाइन दिइएको छ, जसमा सेल्फी क्यामरा राख्नेछ। साथै फोनको दाहिने साइड प्यानलमा यूएसबी टाइप सी चार्जिङ ज्याक देखाइएको छ। यस फोनको टपमा स्पिकर ग्रिल पनि दिइएको छ।
भिभोको यो बिस्तारित डिस्प्ले भिडियो हेर्न, गेमिङ, पढ्ने जस्ता कामका लागि प्रयोग गर्न सकिन्छ। फोनको डिजाइन हाल पेटेन्ट चरणमा छ, त्यसैले हामी अहिलेको लागि यो फोनको बारेमा अनुमान मात्र गर्न सक्छौं। जब कम्पनीले यस फोनको बारेमा आधिकारिक रूपमा कुनै जानकारी साझा गर्नेछ, तब मात्र हामी यस फोनको अन्य सुविधाहरू वा विशिष्टताहरू बारे बताउन सक्षम हुनेछौं।
भिभो भन्दा पहिले, ओपो, शाओमी, ह्वावे र सामसङले आफ्नो नवीन डिस्प्ले प्रविधिलाई अगाडि ल्याइसकेका छन्।
हाल व्यावसायिक रूपमा फोल्ड गर्न मिल्ने स्मार्टफोन बिक्री गर्ने कम्पनी सामसङ मात्र हो जसले विगत तीन वर्षमा ग्यालेक्सी फोल्ड, ग्यालेक्सी जेड फोल्ड २ र ग्यालेक्सी जेड फोल्ड ३ स्मार्टफोन बजारमा ल्याएको छ। यस बाहेक कम्पनीले ग्यालेक्सी जेड फ्लिप र ग्यालेक्सी जेड फ्लिप ३ पनि बजारमा ल्याएको छ।
प्रकाशित: २० मंसिर २०७८, सोमबार
