काठमाडौं ।
सामाजिक सञ्जालका इन्फ्लूएन्सरहरु जसले कम्पनीहरुबाट उत्पादनको प्रचारको लागी पैसा प्राप्त गर्दछन उनीहरुले स्पष्ट रूपमा यस्तो पोस्टलाई विज्ञापनको रूपमा लेबल गर्नुपर्ने एक शीर्ष जर्मन अदालतले बिहीबार फैसला सुनाएको रोयटर्सले उल्लेख गरेको छ।
फैसलाअनुसार यदि इन्फ्लूएन्सरहरुलाई रकम तिरिएको छैन भने उनीहरुले विज्ञापन लेबल बिना नै उत्पादनहरु देखाउन सक्छन् । फेसबुकको तस्वीर तथा भिडियो सेयर गर्ने सामाजिक मिडिया साइट इन्स्टाग्राममा तीन इन्फ्लूएन्सरहरुको मामलामा फैसला गर्दै फेडरल कोर्ट अफ जस्टीसले सो निर्णय सुनाएको हो ।
हजारौं फलोअरहरु भएका र उनीहरुलाई प्रभावित गर्ने इन्फ्लूएन्सरले इन्स्टाग्राममा एक उत्पादनको प्रचार गर्नको लागी कम्पनीहरुबाट ठूलो शुल्क कमाउन सक्छन्।
अदालतले भन्यो कि एक फिटनेस इन्फ्लूएन्सर स्पष्ट हुनुपर्दछ कि उनी विज्ञापन गरिरहेकी थिइन् जब उनलाई एउटा जाम ब्रान्डको प्रचार गर्नको लागी भुक्तान गरिन्थ्यो।
यदपी यसले टेलिभिजन प्रस्तोता र इन्फ्लूएन्सर क्याथी हम्मेल्सको बिरुद्ध एक मुद्दा खारेज गर्यो, जसको एक खेलौनाको बारेमा गरिएको पोस्टले मानिसहरुलाई निर्माताको साइटमा लैजाने गरीएको थियो। ‘उनलाई सो प्रबर्द्धनको लागी भुक्तान गरिएको थिएन त्यसैले यो एक विज्ञापनको रूपमा लेबल गर्न बाध्य थिएन,’ अदालतले फैसला सुनायो।
इन्स्टाग्रामले गत वर्ष बेलायतको प्रतिस्पर्धा र बजार प्राधिकरण (सीएमए) सँग यसको फोटो र भिडियो प्लेटफर्ममा प्रभावशाली व्यक्तिहरुद्वारा लुकाईएका विज्ञापनहरुलाई रोक्न एउटा सम्झौतामा पुगेको थियो।
प्रकाशित: २५ भाद्र २०७८, शुक्रबार
