ताजा समाचार

इन्टरनेट सेवा प्रदायकहरुको कार्य सहजीकरण गराउन प्राधिकरणले छलफलमा बोलायो

इन्टरनेट सेवा प्रदायकहरुको कार्य सहजीकरण गराउन प्राधिकरणले छलफलमा बोलायो
Global IME Bank

नेपाल दूरसञ्चार प्राधिकरणले इन्टरनेट सेवा प्रदायकहरुको गुनासो सम्बोधन गर्नका लागि छलफल गर्न बोलाएको छ।

प्राधिकरणले ब्याण्डविथ स्वीकृतिको बारेमा इन्टरनेट सेवा प्रदायकहरुको गुनासो सम्बोधन गर्न र सहजीकरण कसरी गर्न सकिन्छ भन्ने बारेमा छलफल गर्न बोलाएको हो ।

यसअघि इन्टरनेट सेवा प्रदायकहरुको छाता संस्था इन्टरनेट सेवा प्रदायक संघ नेपाल (आइस्पान)ले ब्याण्डविथ स्वीकृतिको लागि प्राधिकरणले सहजीकरण नगरेको र झुलाउने गरेको भन्दै गुनासो गरेको थियो ।

त्यसबेला आइस्पानले प्राधिकरणका साथै सञ्चार तथा सूचना प्रविधि मन्त्रालयमा समेत इन्टरनेट सेवा प्रदायकहरुको कार्य र विभिन्न किसिमका स्वीकृतिहरु दिने कार्यमा सहजीकरण गरिदिन भन्दै निवेदन दिएको थियो ।

दूरसञ्चार प्राधिकरणले ब्याण्डविथ स्वीकृति गर्न ‘झुलाउने’ गरेको आइस्पानको आरोप

हाल सोहि बारेमा छलफल गर्न प्राधिकरणले बोलाएको आइस्पानका अध्यक्ष सुधिर पराजुलीले जानकारी दिए ।

‘हामीलाई शुक्रबार छलफलको लागि प्राधिकरणले बोलाएको छ। मिटिङ्गमा सबै विषयमा कुराकानी हुनेछ,’ उनले भने ।

यो पनि हेर्नुस्-

फिक्स्ड ब्रोडब्याण्डको शुल्क सस्तिँदै, आयको तुलनामा २ प्रतिशतमुनि झार्ने लक्ष्यमा नेपाल सफल

Sajilo Visa
easy care