सामसङको ग्यालेक्सी ‘एफ’ सिरिजको पहिलो स्मार्टफोन एफ४१ लन्च

काठमाडौं ।

दक्षिण कोरियाली टेक कम्पनी सामसङले ग्यालेक्सी एफ सिरिजको पहिलो स्मार्टफोन एफ४१ लन्च गरेको  छ । कम्पनीले एफ४१लाई भारतमा कम्पनीको नयाँ ग्यालेक्सी एफ सीरिजको पहिलो मोडेलको रूपमा ल्याएको हो।

नयाँ सामसङ फोन वाटरड्रप स्टाइल नच डिस्प्लेको साथ आउँदछ र यसमा ट्रिपल रियर क्यामरा छ। सामसङ ग्यालेक्सी४१ मा पछाडि माउन्ट गरिएको फिंगरप्रिन्ट सेन्सर र ६,००० एमएएचको ठूलो ब्याट्री पनि रहेकोछ। सामसङका नयाँ फोनहरू तीन फरक रंगका विकल्पहरूका साथ आउनेछ भने यसमा ३२ मेगापिक्सलको सेल्फी क्यामरा र एक अक्टाकोर एक्सनोज ९६११ चिपसेट छ ।

दक्षिण कोरियाली जायन्टले भारतमा नयाँ फोनको माध्यमबाट युवा ग्राहकहरुलाई आकर्षित गर्नको लागी योजना गरीरहेको छ।

यो फोनमा ६.४ इन्चको फूलएचडी प्लस सुपर एमोलेड इन्फिनिटी-यू डिस्प्ले राखिएको छ भने फोनमा ६ जीबी र्याम रहेको छ ।

ग्यालेक्सी एफ ४१ ट्रिपल रियर क्यामरा सेटअपको साथ आउँदछ, यसमा ६४ मेगापिक्सेल प्राइमरी सेन्सर, ८ मेगापिक्सलको अल्ट्रा वाइड एंगल लेन्सको साथ १२३ डिग्री फिल्ड अफ भ्यू, र लाइभ फोकस सपोर्टको साथ ५ मेगापिक्सेलको तेस्रो सेन्सर पनि राखिएको छ । यसले फोरके भिडियो रेकर्डिङ्ग गर्न सक्छ । सेल्फीको लागि ३२ मेगापिक्सलको सेल्फी शूटर छ।

फोनमा १२८ जीबी अनबोर्ड स्टोरेज छ, जुन माइक्रोएसडी कार्ड स्लटको माध्यमबाट ५१२ जीबीसम्म बढाउन सकिन्छ।

फोनमा फास्ट चार्जकोलागि १८ वाटको फास्ट चार्जिङ्ग सपोर्ट छ भने एक चार्जमा ४८ घण्टासम्म भ्वाइस कल गर्न सकिने कम्पनीको दाबी छ ।

भारतमा सामसङ ग्यालेक्सी एफ ४१ को ६ जीबी प्लस ६४ जीबी मोडेलको मूल्य १६९९९ भारु तोकिएको छ भने फोनको ६ जीबी प्लस १२८ जीबी मोडेलको मूल्य  १७९९९ भारु तोकिएको छ। यो फोन ईकमर्श फ्लिपकार्टमा १६ अक्टुबरदेखि बिक्रीका लागि उपलब्ध हुनेछ । एजेन्सी