ग्याजेट्स

सिङ्गापुरमा कोरोनाभाइरस ट्रेसिङ डिभाइस ‘ट्रेसटुगेदर’ प्रयोग, ब्लुटुथमार्फत सबै जानकारी दिने

सिङ्गापुरमा कोरोनाभाइरस ट्रेसिङ डिभाइस ‘ट्रेसटुगेदर’ प्रयोग, ब्लुटुथमार्फत सबै जानकारी दिने
Global IME Bank

सिङ्गापुरमा सरकारले कोरोनाभाइरस संक्रमण फैलनबाट रोक्नका लागि  कन्ट्याक्ट ट्रेसिङका गर्न एउटा विशेष उपकरण बाँड्न थालेको छ ।

ट्रेसटुगेदर नामक सो डिभाइस सरकारले निर्माण गरेको कन्ट्याक्ट ट्रेसिङ मोबाइल एपको विकल्पका रूपमा ल्याईएको हो ।

यो उपकरण मोबाइल फोन प्रयोग नगर्ने वा मोबाइल फोन नराख्ने व्यक्तिहरूलाई लक्षित गरेर ल्याईएको छ । कतिपयले यस डिभाइसबाट गोपनीयता कायम हुने/नहुने भन्ने बारेमा प्रश्न उठाएका छन् ।

यो उपकरण पहिलो चरणमा जोखिममा रहेका र पारिवारिक सहयोग कम पाएका पाउने तथा हिँडडुल गर्न नसक्ने वृद्धवृद्धाहरुलाई बाँडिएको छ । ती प्रत्येक उपकरणका छुट्टाछुट्टै क्यूआर कोड रहेको छ र यसको ब्याट्रि ९ महिनासम्म टिक्ने हुँदा चार्ज गरिरहन आवश्यक नभएको बताइएको छ ।

त्यो उपकरणले ब्लूटूथको माध्यमबाट नजिकै रहेका अन्य यस्तै ट्रेसटुगेदर उपकरण वा ट्रेसटुगेदर मोबाइल एपसँग सम्पर्क राखेर काम गर्छ । कोही संक्रमित व्यक्तिको सम्पर्कमा पुगेका रहेछन् भने यो उपकरणको तथ्याङ्कको आधारमा अधिकारीहरूले प्रयोगकर्तालाई अलर्ट गर्ने बताइएको छ ।

कोही कोभिड १९ संक्रमण भए नभएको पुष्टि गर्न सो उपकरणका भएका तथ्याङ्कहरू डाउनलोड गरिनेछ ।

मन्त्रीहरूले यो उपकरणले व्यक्तिको हिँडडुलको गतिबिधि बारेमा तथ्याङ्क नबटुल्ने भएकाले गोपनीयताबारे उठेका प्रश्न उचित नभएको बताएका छन् ।

सिङ्गापुर सरकारले यो उपकरणका तथ्याङ्कहरु इन्क्रिप्ट गरिने र डिभाइसमा २५ दिनसम्म रहने बताएको छ ।

यो उपकरणमा इन्टरनेट वा सेलुलर क्षमता नरहेको हुँदा अधिकारीहरुले यसको डाटाहरुमा अन्य कसैको पहुँच नहुने बताएको छ ।

सिङ्गापुर सरकारकाअनुसार मोबाइल एप ट्रेसटुगेदर मार्च यता २१ लाख व्यक्तिले डाउनलोड गरिसकेको बताएको छ ।

अहिलेको ट्रेसटुगेदर डिभाइस सिङ्गापुरस्थित पीसीआई कम्पनीले निर्माण गरेको हो। सो कम्पनीले यस्तो तीन लाख उपकरण निर्माण गर्नका लागि ४३ लाख अमेरिकी डलरका बोलकबोल हात पारेको थियो । बीबीसीबाट

Sajilo Visa
easy care