काठमाडौं ।
भोल्भो कार्सले स्वीडेनको राजधानी स्टकहोममा प्रविधि हब स्थापना गर्ने भएको छ। कम्पनीले आफ्ना कम्तिमा आधा कारहरू अनलाइन बेच्ने लक्ष्यमा पुग्न चाहेसँगै टेक हब बनाउने तयारी गरेको हो।
गोथेनबर्गमा रहेको अटोमेकरले सफ्टवेयर इन्जिनियरिङ, डाटा साइन्स र एनालिटिक्स जस्ता क्षेत्रमा दक्ष ७०० भन्दा बढी कर्मचारी नयाँ हबमा रहने बताएको रोयटर्सले रिपोर्ट गरेको छ।
“विस्तारले भोल्भो कारको बलियो वृद्धिलाई समर्थन गर्नेछ, साथै यसका सबै कारहरूको कम्तिमा आधा अनलाइन बिक्री गर्ने र कम्तीमा आधा सफ्टवेयर इन-हाउस विकास गर्ने मध्य दशकको महत्वाकांक्षालाई समर्थन गर्नेछ,” यसले एक विज्ञप्तिमा भन्यो।
चीनको गिली होल्डिङको स्वामित्वमा रहेको भोल्भोले पनि यस दशकको मध्यसम्ममा आफ्नो बिक्रीको ५० प्रतिशत शुद्ध विद्युतीय कार बनाउने लक्ष्य राखेको छ।
प्रकाशित: २९ फाल्गुन २०७८, आईतवार
