ताजा समाचार

एल साल्भाडोरको बिटक्वाइन समर्थित बन्ड जारी गर्न युक्रेनी युद्धले ढिलाई हुनसक्ने

एल साल्भाडोरको बिटक्वाइन समर्थित बन्ड जारी गर्न युक्रेनी युद्धले ढिलाई हुनसक्ने
Global IME Bank

बिटक्वाइनलाई राष्ट्रिय मुद्राको मान्यता दिएको एल साल्भाडोरले बिटक्वाइन समर्थित बन्ड सुरु गर्न सही समय खोजिरहेको छ।

संभवत मार्च १५ देखि मार्च २० कोबीचमा हुन सक्छ तर यो युक्रेनमा जारी युद्धमा निर्भर हुन सक्ने मध्य अमेरिकी राष्ट्रका अर्थमन्त्री अलेजान्ड्रो जेलायाले शुक्रबार बताएको रोयटर्सले उल्लेख गरेको छ।

राष्ट्रपति नायब बुकेले आफ्नो देशको पहिलो १ अर्ब डलर बराबर बिटक्वाइन-समर्थित बन्ड यस महिना जारी गर्ने लक्ष्य राखेका छन् र उनले यसबाट थप क्रिप्टोकरेन्सीहरू किन्न र “बिटक्वाइन सिटी” निर्माण गर्न प्रयोग गर्ने लक्ष्य राखेका छन् । बिटक्वाइन सिटी एक योजनाबद्ध महानगर जसले डिजिटल सिक्का माइनिङ गर्न नजिकैको ज्वालामुखीबाट भू-तापीय ऊर्जा प्रयोग गर्नेछ।

रसियाको युक्रेनमाथिको आक्रमणले अनिश्चितता थपिँदा क्रिप्टोकरेन्सीमा तीव्र अस्थिरता बढ्दै गएकोले बन्डले हेडविन्डको सामना गरेको छ।

“हामी अझै केहि विवरणहरू पूरा गर्दैछौं, लगभग सबै तयार छ, कुरा त्यहाँ समयको समस्या पनि छ,” जेलायाले भने।

बिटक्वाइनले नोभेम्बरको सुरुमा ६७,५०० डलरभन्दा माथिको कीर्तिमानी उच्च मूल्य बनाएको थियो, तर जनवरी २२ सम्म यसको आधा मूल्य गुमायो।

Sajilo Visa
easy care