काठमाडौं ।
एक नयाँ रिपोर्टले दाबी गरेअनुसार टेस्लाले वार्षिक २० लाख कारको उत्पादन क्षमता दोब्बर गर्न गीगाफ्याक्ट्रि सांघाई नजिकै नयाँ कारखाना निर्माण गर्न काम सुरु गरिरहेको छ।
टेस्लाले हाल दुई मुख्य कारखानाहरू सञ्चालन गर्दछ, टेस्ला फ्रेमन्ट र गिगाफ्याक्ट्री शंघाई हुन्। यसमा गीगाफ्याक्ट्रि टेक्सास र गीगाफ्याक्ट्रि बर्लिनले बिस्तारै उत्पादन बढाउन थालेको छ।
ती चारवटा परियोजनाहरूले मात्रै टेस्लाको उत्पादन क्षमतालाई अर्को वर्षको अन्त्यसम्ममा वार्षिक तीन लाख सवारीसाधनभन्दा माथि पुऱ्याउनुपर्छ, तर अटोमेकरसँग यस दशकको लागि धेरै ठूलो महत्वाकांक्षा छ जसका लागि धेरै कारखानाहरू आवश्यक पर्नेछ।
कम्पनीले हालै यो वर्षको अन्त्यसम्ममा कारखानाका लागि नयाँ स्थान घोषणा गर्ने योजना रहेको पुष्टि गरेको छ।
गत हप्ता, टेस्लाले देशमा नयाँ कारखानाको लागि विभिन्न चिनियाँ क्षेत्रहरूबाट बोलपत्रहरू प्राप्त गरिरहेको यो खुलासा भएको थियो।
हालै रोयटर्सले रिपोर्ट गरेअनुसार टेस्लाले सांघाई फ्री ट्रेड जोनमा अवस्थित रहेको अर्को कारखाना निर्माण गर्ने योजना बनाएको छ। टेस्लाले आफ्नो अवस्थित गिगाफ्याक्ट्री शाङ्घाईमा उत्पादनलाई प्रतिवर्ष १० लाख युनिटसम्म पुर्याउन थप लगानीसमेत गरिरहेको छ।
प्रकाशित: १५ फाल्गुन २०७८, आईतवार
