काठमाडौं ।
अमेरिकी अपील अदालतले शुक्रबार एप्पल इंक र ब्रोडकम इंकलाई क्यालिफोर्निया इन्स्टिच्युट अफ टेक्नोलोजी(क्यालटेक) लाई यसको वाईफाई टेक्नोलोजी पेटेन्टहरू उल्लङ्घन गरेकोमा करिब १.१ अर्ब डलर तिर्न आदेश दिने जूरीको फैसलालाई खारेज गर्दै क्षतिपूर्तिमा नयाँ परीक्षणको आदेश दिएको छ।
एप्पल क्यालटेक प्याटेन्ट उल्लङ्घनको मुद्दामा आईफोन निर्मातालाई करिक ८३ करोड ८० लाख डलर क्षतिपूर्ति तिर्न आदेश दिएको दुई वर्षपछि अदालतमा फिर्ता हुँदैछ। नयाँ परीक्षणले प्रदान गरिएको रकमलाई मात्र विचार गर्नेछ, र उल्लङ्घनको प्रश्नलाई पुन: नहेर्ने बताईएको छ।
फेडरल सर्किटको लागि अमेरिकी अपील अदालतले लस एन्जलसको संघीय निर्णायक मण्डलले जनवरी २०२० को अवार्ड, प्याटेन्ट मामिलाहरूमा अहिलेसम्मकै सबैभन्दा ठूलो, “कानूनी रूपमा असमर्थित” भएको बताएको छ।
यसले जूरीको निष्कर्षलाई सहि ठहर्याएको जसमा एप्पल र ब्रोडकमले दुई क्यालटेक प्याटेन्टहरू उल्लङ्घन गरे, र तिनीहरूले तेस्रो प्याटेन्ट उल्लङ्घन गरे कि भनेर नयाँ परीक्षणको समेत आदेश दिए।
क्यालटेकले मे २०१६ मा एप्पल र ब्रोडकममाथि मुद्दा दायर गरेको थियो, जसमा लाखौं आईफोन, आईप्याड, एप्पल वाच र ब्रोडकम चिप्स प्रयोग गर्ने अन्य उपकरणहरूले यसको डाटा-ट्रान्समिशन पेटेन्टको उल्लङ्घन गरेको आरोप लगाएको थियो।
निर्णायक मण्डलले क्यालटेकलाई एप्पलले ८३ करोड ८० लाख डलर तिर्न र ब्रोडकमले थप २७ करोड २ लाख डलर तिर्न आदेश दिएको थियो।
अब पुनरावेदन सुनुवाईसँगै अदालतले नयाँ क्षतिपूर्ति रकम निर्धारण गर्ने अनुमान गरिएको छ जुन यसअघि एप्पलले दोहोरोपना भएको दाबी गरेको थियो । अर्थात एउटै विषय र उलंघनमा दुई कम्पनीलाई नै क्षतिपूर्ति तिराउन उचित नहुने बताउँदै आएको छ।
प्रकाशित: २३ माघ २०७८, आईतवार
