काठमाडौं ।
आईफोन एसई ३ फाइभजी क्षमता भएको एप्पलको आईफोन एसई २०२०को अपडेट, नयाँ आईप्याडको साथमा मार्च ८ मा वा त्यसको वरिपरि लन्च हुने सम्भावना रहेको रिपोर्ट आएको छ।
एप्पलले आफ्नो सस्तो आईफोन भनेर चिनिएको नयाँ डिभाइसको बारेमा ब्लूमबर्ग न्यूजले शुक्रबार यस विषयमा जानकारी भएका मानिसहरूलाई उद्धृत गर्दै रिपोर्ट गरेको हो।
रिपोर्टका अनुसार, नयाँ आईफोन एसई मोडेलमा दुई वर्षमा पहिलो अपडेट हुनेछ र यसमा फाइभजी नेटवर्क क्षमता, सुधारिएको क्यामरा र तिब्रगतिको प्रोसेसर हुनेछ।
यसअघि एप्पलले अक्टोबरमा दुई नयाँ म्याकबुक प्रो मोडलहरू घोषणा गर्यो जुन थप शक्तिशाली इन-हाउस चिपहरूमा चल्छ।
अपेक्षित लन्चिङ्गका लागि अझै एक महिना भन्दा बढी बाँकी छ तर एप्पलको योजना उत्पादन ढिलाइ वा अन्य परिवर्तनहरूको आधारमा परिवर्तन हुन सक्ने रिपोर्टमा उल्लेख छ।
क्युपर्टिनो, क्यालिफोर्नियामा आधारित एप्पलले कम्प्युटर चिप्सको महँगो विश्वव्यापी अभावलाई पार गर्दैछ र जनवरीमा छुट्टीको त्रैमासिकमा रेकर्ड बिक्री पोस्ट गरेको छ।
आईफोन एसई ३मा पुरानो आईफोन एसई (२०२०) जस्तै डिजाइन सुविधा भएको अनुमान गरिएको छ तर यसमा थप ५जी कनेक्सन हुनेछ । त्यसैगरी फोनमा हाल आईफोन १३ सिरिजमा प्रयोग भएको नयाँ एप्पलको ए१५ बायोनिक चिप र ३जीबी र्याम राखिने चर्चा छ।
प्रकाशित: २२ माघ २०७८, शनिबार
