काठमाडौं ।
मोबाइल गेम पब्जी: न्यू स्टेटले नयाँ नक्सा र केही प्रमुख अपडेटहरू प्राप्त गर्न गइरहेको छ। खेलका प्रकाशक, क्राफ्टनले समुदायलाई नयाँ वर्षको सन्देशमा सो घोषणा गरेको छ।
कम्पनीले नयाँ नक्साको झलक पनि देखाएको छ। पब्जीले नेपाललगायत विश्वभरका मोबाइल गेमरहरूका लागि नोभेम्बरमा न्यू स्टेट सुरु गरिएको थियो। क्राफ्टनले विगतमा पब्जी मोबाइल र ब्याटलग्राउण्डस मोबाइल इण्डिया पनि प्रस्तुत गरेको छ। यो नयाँ गेम भने भारतीय प्रयोगकर्ताहरूको लागि सुरू गरिएको थियो।
नयाँ म्यापको एक झलक दिन, क्राफ्टनले तीन तस्बिरहरू जारी गरेको छ। पब्जी: न्यू स्टेटको नयाँ नक्सा यस वर्षको मध्यमा सुरु हुनेछ। नयाँ नक्साले पहाड र तराईका साथै आधुनिक भवनहरू र केन्द्रीय शहरसहित टावर देखाउँछ।
नयाँ नक्सा बाहेक, पब्जी: न्यू स्टेटले नयाँ वर्षको पहिलो दुई महिनामा केही महत्त्वपूर्ण अपडेटहरू प्राप्त गर्नेछ। क्राफ्टनले प्रयोगकर्ताहरूको अपेक्षा पूरा गर्न यस वर्ष गेममा अपडेट र सुधारहरू जारी रहने बताएको छ।
क्राफ्टनले भनेको छ, “हामी हाम्रा सबै गेमरहरूलाई सम्भव भएसम्म उत्कृष्ट गेमिङ अनुभव प्रदान गरिएको सुनिश्चित गर्न चाहन्छौं। हामी गेमरहरूसँग राम्रो सञ्चार गर्ने प्रयास गर्नेछौं र खेललाई अझ राम्रो बनाउन समुदायलाई सुन्नेछौं।”
यसैबीच, क्राफ्टनले नयाँ वर्षलाई फरक तरिकाले मनाउँदै छ। कम्पनीले खेलाडीलाई ६ वटा चिकेन मेडल र तीनवटा रोयल चेस्ट क्रेट टिकट दिएको छ । खेलाडीहरूलाई कुपन कोड “happynewstate” पनि दिइनेछ। यसलाई डेडिकेटेड पेजमा गएर रिडिम गर्न सकिन्छ। यो कुपन यहि जनवरी १० तारिख राती ११:५९ बजे सम्म मान्य रहेको छ।
प्रकाशित: १९ पुष २०७८, सोमबार
