काठमाडौं ।
डिजिटल एनालिटिक्स कम्पनी एप एनीका अनुसार २०२० मा टिकटक विश्वको सबैभन्दा धेरै डाउनलोड हुने एप भएको थियो।
चिनियाँ भिडियो साझेदारी प्लेटफर्म मात्र डाउनलोडको विश्वव्यापी शीर्ष पाँचमा भएका एप मध्ये फेसबुकको स्वामित्वमा नभएको एप हो।
यसको गृह देशमा, टिकटकको मालिक बाइटडान्स पनि चिनियाँ भाषाको भिडियो एप ‘डोइन’का साथमा शीर्ष स्थानमा रहेको छ।
पूर्व अमेरिकी राष्ट्रपति डोनाल्ड ट्रम्पले अमेरिकामा प्रतिबन्ध लगाउने प्रयास गरेपछि पनि टिकटकको निरन्तर लोकप्रियता देखिएको छ।
फेसबुकको स्वामित्वमा रहेका एप्स २०१८ मा सर्वेक्षण सुरु भएदेखि नै शीर्ष स्थानमा रहेका छन् र कम्पनी अझै चार्टमा हावी छ।
मार्क जुकरबर्गको सामाजिक सञ्जाल जायन्ट फेसबुकको फ्ल्यागशिप एपको साथसाथै व्हाट्सएप, इन्स्टाग्राम र फेसबुक मेसेन्जर सबै ससक्त उपस्थिति बनाएर शीर्ष पाँचमा रहेका छन्।
गत वर्ष, तत्कालीन राष्ट्रपति डोनाल्ड ट्रम्पले संयुक्त राज्य अमेरिकामा टिकटक एपको नयाँ डाउनलोडलाई प्रतिबन्धित गर्न एक कार्यकारी आदेश जारी गरेका थिए।
टिकटकले राष्ट्रिय सुरक्षा जोखिममा पारेको छ किनकि चिनियाँ सरकारको प्रयोगकर्ता डाटामा पहुँच भएको ट्रम्प प्रशासनले दाबी गरेको छ। तर कम्पनीले बारम्बार आरोपको खण्डन गरेको छ।
हाल सार्वजनिक सूचीमा टिकटकपछि फेसबुक रहेको छ भने त्यसपछि ह्वाट्सएप र इन्स्टाग्राम रहेका छन् । पहिलो स्थानमा रहेको मेसेन्जर झरेर पाँचौं स्थानमा पुगको छ।
प्रकाशित: २७ श्रावण २०७८, बुधबार
