काठमाडौं ।
टर्कीको केन्द्रीय बैंकले सामान र सेवाहरू खरीद गर्न क्रिप्टोकरेन्सीहरू र क्रिप्टो सम्पत्तिहरूको प्रयोगमा प्रतिबन्ध लगाएको छ ।
सम्भवत अपूरणीय क्षति तथा महत्वपूर्ण लेनदेन जोखिमलाई हुनसक्ने विषयलाई उद्धृत गर्दै प्रतिबन्ध लगाएको हो ।
जसले विश्व बजारमा बिटक्वाइन मूल्यलाई समेत कम गराएको छ।
शुक्रबार आधिकारिक राजपत्रमा प्रकाशित कानूनमा केन्द्रीय बैंकले भनेअनुसार क्रिप्टोकरेन्सी र बितरित लेजर टेक्नोलोजीमा आधारित त्यस्ता अन्य डिजिटल सम्पत्तिहरु प्रत्यक्ष वा अप्रत्यक्ष रूपमा भुक्तानीको साधनको रूपमा प्रयोग गर्न सकिदैन।
हालका महिनाहरूमा टर्कीमा बढ्दो क्रिप्टो बजारले गति बढाएको छ जब बिटक्वाइनमा लगानीकर्ताहरू विश्वव्यापी लहरमा सामेल भए ।
टर्कीको प्रतिबन्ध पछि बिटक्वाइनको मूल्य ३ प्रतिशतले घटेर ६१,४९० अमेरिकी डलरमा पुगेको छ ।
यो प्रतिबन्धलाई टर्कीको मुख्य विपक्षी पार्टीले आलोचना गरेको थियो।
“अन्य सुरक्षा जोखिम मध्ये क्रिप्टो सम्पत्तिमा न त कुनै नियमन र पर्यवेक्षण संयन्त्रको अधीनमा छ न केन्द्रीय नियामक प्राधिकरणको नियमनमा छ,’ एक विज्ञप्तिमा केन्द्रीय बैंकले भनेको छ ।
नयाँ नियममा भुक्तानी सेवा प्रदायकहरुले कुनैपनि किसिमको क्रिप्टोकरेन्सी स्वीकार गर्ने प्रणालीहरु विकास गर्न वा उपलब्ध गराउन नपाउने भएका छन् । एजेन्सीका साथ
प्रकाशित: ३ बैशाख २०७८, शुक्रबार
