Technology Khabar २ बैशाख २०७८, बिहीबार
काठमाडौं ।
ह्वावेले शेन्जेनमा १८ औं ग्लोबल एनालिस्ट समिट आयोजना गरेको छ । उद्योग र वित्तीय विश्लेषकहरू, मुख्य ओपिनियन लिडरहरू र मिडिया प्रतिनिधिहरू सहित ४०० भन्दा बढी अतिथिहरू अन–साइटमा कार्यक्रममा सामेल भएका थिए साथसाथै अनलाईन मार्फत विश्वभरका विश्लेषकहरू र मिडिया प्रतिनिधिहरूले भाग लिएका थिए ।
ह्वावेका रोटेटिङ अध्यक्ष एरिक जूले २०२० मा कम्पनीको व्यवसाय प्रदर्शनका साथै पाँचवटा रणनीतिक पहलहरू अगाडि बढिरहेको कुरा सेयर गरे । जूका अनुसार, ह्वावेले यी कामहरु गर्नेछ:
‘उद्योगलाई फेरि ट्र्याकमा ल्याउनका लागि विश्वव्यापी सेमिकन्डक्टर सप्लाई चेनमा विश्वासको पुनःनिर्माण र सहयोगको पुनः स्थापना अत्यन्त महत्वपूर्ण छ,’ एरिक जूले भने ।
‘अगाडि बढ्दै जाँदा हामी आफूलाई जटिल र अस्थिर वैश्विक वातावरणमा पाउनेछौं । कोभिड–१९ को पुनरुत्थान र भू–राजनीतिक अनिश्चितताले हरेक संगठन, व्यवसाय र देशका लागि जारी चुनौतीहरू प्रस्तुत गर्दछ । हामी डिजिटल टेक्नोलोजीको शक्तिमा विश्वास गर्दछौं जसले हामी सबैले सामना गर्ने समस्याहरूलाई नयाँ सोलुसन प्रदान गर्दछ । त्यसैले हामी नयाँ ग्राहक र साझेदारहरूको साथ प्रत्येक व्यक्ति, घर र संगठनमा पूर्ण रुपमा कनेक्टेड इन्टेलिजेन्ट संसारका लागि डिजिटल अबलमबन गर्न डिजिटल रुपान्तरणलाई अगाडि बढाउने क्रमलाई जारी राख्नेछौं ।’
बोर्डका निर्देशक र ह्वावेका रणनीतिक अनुसंधान संस्थानका अध्यक्ष विलियम जूले आगामी दशकमा सामाजिक कल्याणलाई प्रभाब पार्ने चुनौतीहरूको बारेमा छलफल गरे । जसमा बढ्दो जनसंख्या र बढ्दो उर्जा खपत रहेको छ । उहाँले २०३० को इन्टेलिजेन्ट संसारमा ह्वावेको दृष्टिकोणलाई अगि सार्नु भयो जसमा नौ प्राविधिक चुनौतीहरू र अनुसन्धान प्रयासहरूको लागि प्रस्तावित निर्देशनहरू समावेश छन् । यसमा समावेश छन्:
विलियम जूले भने, ‘आउँदो दशकमा हामी समाजमा धेरै ठूलो सुधारहरू देख्न सक्ने छौं । यी प्रयासहरूलाई प्रबर्धन गर्न हामी विभिन्न उद्योग, शिक्षाविद्, अनुसन्धान संस्थानहरू र अनुप्रयोग विकासकर्ताहरूसँग मिलेर विश्वव्यापी चुनौतीहरूलाई सम्बोधन गर्ने आशा राख्दछौं । एक साझा दृष्टि संगै, हामी सबैको अन्वेषण गर्ने एउटा भूमिका रहेको छ कि कसरी कनेक्शनहरू बलियो बनाउने, छिटो कम्प्युटिंग गर्ने र एनर्जी ग्रीनर गर्ने भनेर । आउनुहोस्, २०३० मा एक इन्टेलिजेन्ट संसारतिर अगाडी बढौं ।’
पहिलो ह्वावे ग्लोबल एनालिस्ट शिखर सम्मेलन २००४ मा आयोजित भएको थियो र त्यस बेलादेखि वार्षिक रूपमा आयोजना हुँदै आएको छ । यस बर्षको शिखर सम्मेलन, ‘बिल्डिंग ए फुल्ली, इन्टेलिजेन्ट वल्र्ड’ अप्रिल १२ देखि १४ सम्म थुप्रै ब्रेकआउट सत्रहरू सहित चल्ने छ जहाँ विश्वभरका उद्योग विशेषज्ञहरूले उनीहरूको युनिक अन्तरदृष्टि प्रकट गर्न सक्छन् र भविष्यका ट्रेन्ड्समा छलफल गर्न सक्ने कम्पनीले जनाएको छ।
प्रकाशित: २ बैशाख २०७८, बिहीबार
