ग्याजेट्स

माइक्रोसफ्टको गेमिङ्ग कन्सोल एक्सबक्सको माग उच्च, आम्दानी ४३.१ बिलियन डलरको रेकर्डमा

माइक्रोसफ्टको गेमिङ्ग कन्सोल एक्सबक्सको माग उच्च, आम्दानी ४३.१ बिलियन डलरको रेकर्डमा
Global IME Bank

माइक्रोसफ्टले आफ्नो एक्सबक्स गेमिङ्ग कन्सोलको माग उच्च मात्रामा बढेको बताएको छ । अमेरिकी टेक जायन्टको भाग्य कोरोना महामारीले खोलिदिएको देखिएको छ ।

यसका साथै घरबाटै अनलाइन कक्षा र वर्क फ्रम होमका कारण कम्पनीको क्लाउड कम्प्युटिङ्ग सेवाले पनि बढावा पाएको छ।

यो फाइदाका कारण फर्मको समग्र राजस्व १७ प्रतिशतले रेकर्ड वृद्धि भएको छ जसले गर्दा आम्दानी ४३.१ बिलियन डलरको रेकर्डमा पुगेको छ।

तर यसको आम्दानीमा बृद्धि त्यसबेला भएको थियो जब भाइरसले अन्य उद्योगहरूमा निरन्तर असर पारिरहेको छ । कम्पनीको एक्सबक्स गेम पास सर्भिसले मात्र १ करोड ८० लाख सदस्यता प्राप्त गरेको छ जबकी यसअघि सेप्टेम्बरमा यस्तो १ करोड ५० लाख मात्र रहेको थियो ।

यो सर्भिसअन्तरगत प्रयोगकर्ताले मासिक ९।९९ डलरमा १०० भन्दा बढि गेमिङ्गहरुमा पहुँच प्राप्त गर्दछन् ।

माइक्रोसफ्टका सिईओ सत्य नाडेलाले भने कि मानिसहरुको व्यवहारमा दीर्घकालीन परिवर्तनबाट फर्म लाभान्वित भइरहेको छ।

‘हामीले गत बर्षमा जे देख्यौं त्यो भनेको प्रत्येक कम्पनी र हरेक उद्योगमा डिजिटल परिवर्तनको दोस्रो लहरको बिहानी हो,’ उनले भने।

एक्सबक्सको बिक्री तीन महिनामा ३१ डिसेम्बरसम्ममा ४० प्रतिशतले बढेको छ भने अजुर सेवाहरू ५० प्रतिशत बढ्यो।

उनले एक्सबक्स सिरिज एक्स र एसको बिक्री र सफलता कम्पनीको इतिहासमा नै पहिलोपटक एतिहासिक भएको बताए ।

कम्पनीकाअनुसार अघिल्लो वर्षको त्रैमासको तुलनामा यो वर्षको त्रैमासमा ३३ प्रतिशतले वृद्धि भएको छ । एजेन्सी

Sajilo Visa
easy care