Technology Khabar २२ मंसिर २०७७, सोमबार
काठमाडौं ।
चिनीयाँ वैज्ञानिकहरुले विश्वकै पहिलो प्रकाशमा आधारित क्वान्टम कम्प्यूटर बनाएको दावी गरेका छन् । यसले पहिलेको सुपर कम्प्यूटर भन्दा छिटो गणना गर्ने गर्दछ ।
चीनका भौतिक वैज्ञानिक पान जियावेईले डिसेम्बर ४ मा क्वान्टम कम्प्यूटिङ्ग एडभान्टेज प्राप्त गरेको घोषणा गरेका हुन्।
क्वान्टम कम्प्यूटरको नाम जीउजाङ्ग रहेको छ। जीउजाङ्ग नाम प्राचीन चिनियाँ गणितीय टेक्स्टबाट आएको हो । जिउजाङ्गले गणनाको लागि ७६ फोटोनहरु म्यानिपुलेटिङ्ग गर्ने नयाँ विधि प्रयोग गरेको छ ।
क्वान्टम कम्प्यूटर अरु परम्परागत कम्प्यूटर भन्दा धेरै राम्रो काम गर्छ जसले विज्ञान, आर्टिफिसियल इन्टेलिजेन्स र औषधीको क्षेत्रमा एकदमै प्रगति गराउन सक्दछ ।
यो सफलताका साथमा चीन पूर्णरुपमा क्वान्टम कम्प्यूटिङ्ग हासिल गरेको दाबी गरेको छ ।
चीनले केही वर्ष देखि क्वान्टम टेक्नोलोजीमा लगानी गरिरहेको छ । चीनले सन् २०१७ मा ह्याक प्रुफ र अल्ट्रा हाई सेक्युरिटी फिचर भएको क्वान्टम कम्युनिकेसन स्याटेलाइट सार्वजनिक गरेको थियो ।
चीनले बेजिङ र साङ्घाईको बिचमा २००० किलोमिटरको ह्याक गर्न नमिल्ने क्वान्टम कम्युनिकेसन लाइन पनि निर्माण गरेको छ ।
चीनको क्वान्टम एक्सपेरिमेन्ट एट स्पेस स्केल स्याटेलाइट क्वान्टम कम्युनिकेसनको लागि पहिलो स्पेस ग्राउण्ड परीक्षण गर्ने प्लेटफर्म बनेको छ ।
नयाँ सफलतालाई चीनले क्वान्टम सुप्रिमेसी भएको बताएको छ जसले तिब्रगतिमा क्वान्टम कम्प्यूटिङ्ग गर्न सकिने उल्लेख छ । सिन्ह्वा
प्रकाशित: २२ मंसिर २०७७, सोमबार
