काठमाडौं ।
दक्षिण कोरियाली टेक कम्पनी सामसङले निरन्तर आफ्नो पोर्टफोलियो विस्तार गर्दैछ र चाँडै स्मार्ट ट्र्याकिङ्ग अब्जेक्ट सेगमेन्टमा प्रवेश गर्नेछ।
एक रिपोर्टकाअनुसार कम्पनीले यस सामसङ स्मार्ट थिंग्स इकोसिस्टम पोर्टफोलियो अन्तर्गत स्मार्ट ट्र्याकरमा काम गरिरहेको छ, जुन यस वर्षको सुरूमा घोषणा गरिएको थियो।
यो टेक्नोलोजी ठीक त्यस्तै हुनेछ जुन एप्पलले आफ्नो ब्लुटुथ इनेबल अब्जेक्ट ट्र्याकर ‘एयरट्याग्स’ को साथ प्रस्ताव गर्दछ। एप्पलले केही समयदेखि टाइल ट्र्याकरहरूमा काम गरिरहेको छ, यद्यपि यो आधिकारिक रूपमा कहिले सुरू हुन्छ भनेर कुनै पनि जानकारी खुलाइएको छैन।
रिपोर्टले यो उपकरणलाई ग्यालेक्सी स्मार्ट ट्याग पनि भन्न सकिने उल्लेख गरेको छ र इन्डोनेसियाली अधिकारीहरूले ईआई-टि५३०० (EI-T5300) मोडेलको साथ प्रमाणित गरेका छन् ।
स्मार्ट ट्र्याकिंग उपकरणमा यो सामसगको पहिलो प्रयास भने होईन। कम्पनीले करिब दुई बर्ष पहिले नै स्मार्ट-थिंग्स एलटीई-इनेबल ट्र्याकर सुरुवात गरेको थियो।
हालको अवस्थामा ग्यालेक्सी स्मार्ट ट्यागमा कस्तो प्रकारको जडान विकल्पले काम गर्दछ भनेर थाहा छैन।
यसलाई काम गर्न एन्ड्रोयड ८ वा त्यसपछिको भर्सनको एप्लिकेसन आवश्यक हुन्छ।
नयाँ स्मार्ट ट्र्याकर आगामी सामसंग ग्यालेक्सी एस २१ श्रृंखलाको साथसाथै लन्च हुने अपेक्षा गरिएको छ, जुन अर्को वर्षको मध्य जनवरीमा लन्च हुने चर्चा छ।
कम्पनीले ग्यालेक्सी स्मार्ट ट्यागको मूल्य र विवरणको बारेमा कुनै जानकारी दिएको छैन। एजेन्सी
प्रकाशित: १८ मंसिर २०७७, बिहीबार
