काठमाडौं ।
अमेरिकी राष्ट्रपति डोनाल्ड ट्रम्पले हालै एक कार्यकारी आदेशमा हस्ताक्षर गरेका छन् जस अन्तर्गत चिनियाँ कम्पनीका एप (अनुप्रयोग)हरु टिकटक र वीच्याटलाई ४५ दिन भित्र अमेरिकामा कारोबार प्रतिबन्ध लगाउने छ।
चिनियाँ कम्पनी टेनसेन्टको अधिनमा रहेको अनुप्रयोग वीच्याटलाई सुपर एप पनि भनिन्छ।
यस्तो अवस्थामा अमेरिकी कम्पनी एप्पललाई पनि यसको एप स्टोरबाट वीच्याट अनुप्रयोग हटाउनु पर्ने हुन सक्छ। लोकप्रिय बजार विश्लेषकले दावी गरेका छन कि यदि यस्तो भयो भने एप्पललाई यसले हानि गर्न सक्छ।
किनकि वीच्याट एप वन स्टप शपको जस्तै छ र यो अनुप्रयोग चीनमा एकदमै लोकप्रिय छ।
लोकप्रिय एप्पल विश्लेषक मिङ्ग ची कुओले भनेका छन कि यदि एप्पलले वीच्याटलाई आफ्नो एप स्टोरबाट हटायो भने यसले कम्पनीलाई ठूलो नोक्सान पुर्याउन सक्छ।
विश्लेषकले आईफोनको बिक्री २५ देखि ३० प्रतिशतसम्म घट्नसक्ने आशंका पनि व्यक्त गरेका छन्। मिङ्ग ची कुओले भनेका छन कि विश्वव्यापी प्रतिबन्ध चिनियाँ बजारको आकारलाई हेर्दा पनि यो एप्पललाई गाह्रो हुन सक्छ।
चीनमा वीच्याट अनुप्रयोग सबैभन्दा धेरै प्रयोग हुने गरेको छ त्यहाँ, यो अनुप्रयोग प्रायः मोबाईल फोनमा दैनिक प्रयोगको लागि इन्स्टल गरिएको छ।
मिङ्ग ची कुओले पनि भनेका छन कि वीच्याट चीनमा एक आवश्यकता भएको छ।
वीच्याटमार्फत भुक्तानी, ईवाणिज्य शपिंग, मेसेजिंग वा सोशल नेटवर्कि लगायतका कामहरु दैनिक गरिन्छ, यस अनुप्रयोगलाई चीनमा सुपर एप भनिन्छ।
एप्पलले यसलाई स्टोरबाट हटाउनु परेको खण्डमा यसले कम्पनीको आईफोन बाहेक अन्य प्रडक्ट र सेवाहरुलाई पनि असर पार्ने बताईएको छ । एजेन्सीका साथ
*हेडलाईन सम्पादन
प्रकाशित: २७ श्रावण २०७७, मंगलवार
