Technology Khabar ३० चैत्र २०७६, आईतवार
काठमाडौं ।
नेपाल दूरसञ्चार प्राधिकरणका कर्मचारीहरुको तर्फबाट कोरोनाभाइरस विरुद्धको सरकारी कोषमा रकम जम्मा गरिएको छ ।
प्राधिकरणका अध्यक्षसहितका कर्मचारीहरुले तलबमा कट्टा हुनेगरी ४ लाख ५६ हजार रुपैयाँ सो कोषमा आज जम्मा गरेका हुन् ।
प्राधिकरणका कर्मचारीहरुको तर्फबाट अध्यक्षको १५ दिनको तलब बराबरको रकम जम्मा गरिएको छ भने वरिष्ठ निर्देशक तथा निर्देशकहको ७ दिनको तलब, उपनिर्देशक तथा सहायक निर्देशकहरुको ५ दिन र सहायक भन्दा मुनीका कर्मचारीहरुको ३ दिनको तलब बराबरको रकम जम्मा गरिएको प्राधिकरणले जानकारी दिएको छ ।
यसअघि नै प्राधिकरणको कोषबाट व्यहोर्नेगरि १५ करोड रुपैयाँ “कोरोना भाइरस संक्रमण, रोकथाम, नियन्त्रण तथा उपचार कोष” जम्मा गरिसकेको जनाएको छ ।
प्रकाशित: ३० चैत्र २०७६, आईतवार
