स्याटेलाइट मेगा-कन्स्टलेसनको सम्भावना खोजी गर्न जापानको एनटीटी चार कम्पनीहरूसँग आबद्ध

काठमाडौं ।

एनटीटीले सञ्चार तथा अन्तरिक्षमा आधारित अन्य सेवाहरूलाई सहयोग पुर्‍याउने ‘स्याटेलाइट मेगा-कन्स्टेलेसन’ को विकास र व्यावसायीकरणबारे अध्ययन गर्न मित्सुबिसी इलेक्ट्रिक, एमयुएफजी बैंक, डेभलपमेन्ट बैंक अफ जापान र एनटीटी डोकोमो बिजनेससँग एक सम्झौतामा हस्ताक्षर गरेको छ।

यस समझदारी पत्रमा स्याटेलाइट सञ्चार, पृथ्वीको अवलोकन, पोजिसनिङ तथा नेभिगेसन, र अन्तरिक्षमा आधारित डाटा सेन्टरलगायत विभिन्न सेवाहरूको सम्भाव्यता अध्ययन गर्ने विषय समेटिएको छ।

एनटीटीले भूउपग्रहहरूलाई स्थलीय नेटवर्कहरूसँग जोड्ने प्लेटफर्म अन्वेषण गर्न सञ्चार प्रविधिहरूमा योगदान गर्नेछ। यो सहकार्यको उद्देश्य विपद् सञ्चार, सेवा नपुगेका क्षेत्रहरूमा जडान र भूउपग्रह डाटा उपयोगलाई समर्थन गर्ने अन्तरिक्ष पूर्वाधार विकास गर्नु हो।