काठमाडौं ।
नेपाल विज्ञापन संघ (आन)ले काठमाडौंमा १३औं कृति अवार्ड्स २०८३ अन्तर्गत ‘कृति कनेक्ट’ कार्यक्रम भव्य रूपमा सम्पन्न गरेको छ।
यस वर्ष गैर–सदस्य एजेन्सीहरूलाई समेत संलग्न गरी यस अवार्ड्सको गरिमा र छविलाई थप उचाइमा पुर्याउने मुख्य उद्देश्यका साथ ‘कृति कनेक्ट’ आयोजना गरिएको हो।
‘क्रियटिभिटि कनेक्ट, होयर इट अल स्टार्ट’ नाराका साथ आयोजित यस कार्यक्रममा विज्ञापन तथा बजारीकरण क्षेत्रका नयाँ विचारहरू, ऊर्जा र सम्बन्धहरूलाई सुदृढ पार्ने विभिन्न गतिविधिहरू सञ्चालन गरिएका थिए।
कार्यक्रमले नेपालको विज्ञापन तथा ब्रान्डिङ उद्योगलाई थप एकताबद्ध बनाउन, पारदर्शिता र व्यावसायिक दक्षता अभिवृद्धि गर्न महत्वपूर्ण भूमिका खेल्ने विश्वास लिएको कुरा आनका अध्यक्ष सुदीप थापाले बताए।
प्रकाशित: १८ आश्विन २०८३, आईतवार
