काठमाडौं ।
फोर्डले भारतमा आफ्नो सवारीसाधन बिक्री तथा उत्पादन सञ्चालन बन्द गर्ने घोषणा गरेको पाँच वर्षपछि पनि जीओ अटोमोबाइल्स प्राइभेट लिमिटेडले समर्पित ग्राहक सेवा तथा अन्तर्राष्ट्रिय फोर्ड मोडलहरूको विस्तारमार्फत नेपालमा फोर्डको उपस्थितिलाई थप मजबुत बनाउँदै आएको छ।
फोर्डले ९ सेप्टेम्बर २०२१ मा भारतमा आफ्ना सवारीसाधन बिक्री तथा उत्पादन सञ्चालन बन्द गर्ने घोषणा गरेको थियो। यद्यपि, बिक्री सञ्चालन बन्द भए पनि कम्पनीले भारतमा रहेका आफ्ना विद्यमान ग्राहकहरूलाई आफ्नै अफ्टर–सेल्स नेटवर्कमार्फत निरन्तर सेवा तथा सहयोग प्रदान गर्दै आएको हो।
फोर्ड गाडीका ग्राहकहरूलाई व्यावसायिक सर्भिस, जेनेयुन स्पेयर पार्ट्स, प्राविधिक विशेषज्ञता तथा ग्राहक सेवा उपलब्ध गराउँदै कम्पनीले उनीहरूको सहज र विश्वसनीय ओनरसिप एक्सपिरेन्स सुनिश्चित गर्दै आएको छ।
यससँगै, फोर्ड नेपालले आफ्नो बिक्री सञ्चालनलाई पनि निरन्तरता दिँदै फोर्डका अन्तर्राष्ट्रिय मोडलहरू फोर्ड एभरेष्ट, फोर्ड रेन्जर, फोर्ड रेन्जर र्याप्टर नेपालमा उपलब्ध गराउँदै आएको छ।
साथै, जीओ अटोमोबाइल्सले आगामी दिनमा नेपाल बजारमा नयाँ फोर्ड मोडलहरू सार्वजनिक गर्ने तयारी गरिरहेको छ, जसले नेपालमा फोर्डको उपस्थिति तथा उत्पादन पोर्टफोलियोलाई थप विस्तार गर्ने कम्पनीले जानकारी दिएको छ।
विगतका वर्षहरूमा जीओ अटोमोबाइल्सले फोर्डको अफ्टर–सेल्स क्षमतामा निरन्तर लगानी गर्दै नेपालभर फोर्ड गाडीहरूलाई आवश्यक सेवा तथा प्राविधिक सहयोग प्रदान गर्दै आएको छ। कम्पनीले आवश्यक स्पेयर पार्ट्स, प्राविधिक विशेषज्ञता र गुणस्तरीय सर्भिसको निरन्तर उपलब्धतामा विशेष ध्यान दिँदै आएको छ।
‘फोर्डको ओनरसिप एउटा यात्रा हो र त्यो यात्रालाई विश्वासका साथ निरन्तरता दिनु हाम्रो जिम्मेवारी हो। हामी प्रत्येक फोर्ड ग्राहकलाई निरन्तर सहयोग प्रदान गर्न प्रतिबद्ध छौँ। साथै, फोर्डका अन्तर्राष्ट्रिय मोडल तथा नयाँ उत्पादनहरू नेपालमा ल्याउने कार्यलाई पनि निरन्तरता दिनेछौं’ जीओ अटोमोबाइल्स का म्यानेजिङ डाइरेक्टर आकाश गोल्छाले भने।
प्रकाशित: २६ भाद्र २०८३, शुक्रबार
