असार मसान्तसम्म साढे २५ अर्बमाथिको विद्युतीय सवारी आयात, सरकारले उठायो साढे १५ अर्ब हाराहारी राजस्व

काठमाडौं ।

चालु आर्थिक वर्ष २०८२/८३ को एघारौं महिना २०८३ जेठ मसान्तसम्ममा नेपालमा २५ अर्ब ५५ करोड ९९ लाख १६ हजार रुपैयाँ बराबरको १० हजार ८ सय ४५ थान चारपाङ्ग्रे विद्युतीय सवारी साधान आयात भएको छ।

भन्सार विभागले हालै सार्वजनिक गरेको चालु आर्थिक वर्ष २०८२/८३ को २०८३ असार महिनासम्मको वैदेशिक व्यापार प्रतिवेदनमा यो आँकडा उल्लेख गरिएको पाइएको हो। यो आँकडा अघिल्लो महिना अर्थात् जेठ मसान्तसम्म एउटै थियो।

बजेट वक्तव्यपछि भन्सार दरमा तलमाथि हुने आकलन गरेर सबै आयातकर्ताले आफूलाई आवश्यक मात्रामा यी सवारीहरु जेठ मसान्तभित्रै आयात गरिसकेकोले पनि जेठ र असार मसान्तको आँकडा एउटै आएको हुन सक्छ।

प्रतिवेदनका अनुसार यसरी भित्रिएका चारपाङ्ग्रे सवारी साधनमा विशेषगरी सामान्य कार, जीप र भ्यानका साथै अतिरिक्त मोटर पावर भएका कार, जीप र भ्यान रहेका छन्। यो सूचीमा तीनपाङ्रे र दुईपाङ्रे सवारी साधनलाई समावेश गरिएको छैन।

भन्सार विभागका अनुसार यस अवधिमा चीन, भारत र जर्मनी, द. कोरिया, थाइल्याण्ड, अस्ट्रिया, अमेरिका र बेलायत गरी विश्वका ८ देशबाट ती सवारी साधन भित्रिएका हुन्।

उक्त परिमाणको आयातमार्फत् सरकारले १५ अर्ब ४७ करोड ६२ लाख ३५ हजार रुपैयाँ राजस्व आम्दानी गरेको छ।

यस्तो छ आयातको विवरण:

५० किलोवाटसम्मको कार, भ्यान र जीप

५१ देखि १०० किलोवाटदेखि सम्मको कार, भ्यान र जीप

१०१ देखि २०० किलोवाटदेखि सम्मको कार, भ्यान र जीप

२०१ देखि ३०० किलोवाटसम्मको कार, भ्यान र जीप