काठमाडौं ।
सामसङ नेपालले नेपालको नयाँ पुस्ताको डिजिटल प्रतिभा विकास गर्ने आफ्नो प्रतिबद्धतालाई सुदृढ पार्दै पछिल्लो सामसङ इनोभेसन क्याम्पस (एसआईसी) कोडिङ र प्रोग्रामिङ कोर्स सफलतापूर्वक सम्पन्न गरेको छ र नयाँ आर्टिफिसियल ईन्टेलिजेन्स (एआई) कोर्सका लागि आवेदन खुला गरेको घोषणा गरेको छ।
डिसेम्बर २२, २०२५ देखि जुन ३०, २०२६ सम्म सञ्चालन भएको एसआईसी अन्तर्गतको कोडिङ र प्रोग्रामिङ कोर्सले विद्यार्थीहरूलाई प्राविधिक सीप, व्यावहारिक परियोजना अनुभव र उद्योग एक्सपोजर प्रदान गरेको थियो। कार्यक्रम सफलतापूर्वक सम्पन्न गर्ने विद्यार्थीहरूलाई एक विशेष समारोहमा सम्मान गरिएको थियो।
“आर्टिफिसियल इन्टेलिजेन्सले हरेक उद्योगलाई पुनः आकार दिँदै गर्दा डिजिटल प्रतिभाको विकास गर्नु पहिलेभन्दा बढी महत्त्वपूर्ण छ। सामसङ इनोभेसन क्याम्पसमार्फत सामसङले युवाहरूलाई सीप, आत्मविश्वास र नवीन सोच प्रदान गरी नेपालको डिजिटल भविष्यको नेतृत्व गर्न मद्दत गरिरहेको छ,” सामसङ नेपालका प्रबन्ध निर्देशक चाङ उक जङले भने।
सन् २०२३ मा नेपालमा सुरु भएको सामसङ इनोभेसन क्याम्पसले सञ्चार, सहकार्य र आलोचनात्मक सोच जस्ता आवश्यक कार्यस्थल क्षमताहरूलाई सुदृढ गर्दै उदीयमान प्रविधिहरूमा उद्योग-सान्दर्भिक सीप प्रदान गर्दछ।
नयाँ एआई कार्यक्रम यस्तो समयमा आएको छ, जतिबेला आर्टिफिसियल इन्टेलिजेन्सले उद्योगहरूलाई रूपान्तरण गर्दै डिजिटल पेशेवरहरूको नयाँ पुस्ताको उच्च माग सिर्जना गरिरहेको छ। व्यावहारिक शिक्षा र वास्तविक-विश्वका समस्या समाधानमा आधारित रहेर डिजाइन गरिएको यस पाठ्यक्रमले सहभागीहरूलाई एआई क्षमता निर्माण गर्न मद्दत गर्नेछ र नेपालको विकसित विकास आवश्यकताहरू सम्बोधन गर्न नवप्रवर्तनलाई प्रोत्साहन गर्ने सामसङको भनाई छ।
कक्षाकोठाभन्दा बाहिर पनि सामसङ नेपालले ग्र्याजुएटहरूलाई सामसङका कर्मचारी र उद्योग विशेषज्ञहरूबाट मेन्टरसिप, नवप्रवर्तन परियोजनाहरू र करियर निर्देशनमार्फत सहयोग गर्न जारी राख्नेछ। कम्पनीले ‘सामसङ इनोभेसन क्याम्पस अल्मुनाई नेटवर्क‘ (Samsung Innovation Campus Alumni Network) स्थापना गर्ने योजना पनि बनाएको छ, जसले ग्र्याजुएटहरूलाई एक-आपसमा सम्पर्कमा रहन, निरन्तर सिकाइमा जोडिन र भविष्यका सहभागीहरूलाई सल्लाह दिन सक्षम बनाउने उल्लेख छ।
प्रकाशित: ९ श्रावण २०८३, शनिबार
