काठमाडौं ।
एप्पल आईफोन १८ प्रो म्याक्सको ईसिम मोडेलमा ५,४२५ एमएएच ब्याट्री हुनेछ भने फिजिकल सिम ट्रे भएको संस्करणमा ५,२३५ एमएएच ब्याट्री हुने दावी गरिएको छ। त्यसैगरी ब्याट्रीको बारेमा नयाँ विवरण बाहिरिएको छ।
टिपस्टर डिजिटल च्याट स्टेशनले फेला पारेको चीनको ३सी डाटाबेसबाट प्राप्त नयाँ जानकारी सम्भवतः आईफोन १८ प्रो र आईफोन १८ प्रो म्याक्सको भएको र दुवै स्मार्टफोनको ब्याट्री क्षमताको खुलासा गरेको जीएसएमएरिनाले रिपोर्ट गरेको छ।
आईफोन १८ प्रो म्याक्सको ईसिम मोडेल ५,५६७ एमएएच ब्याट्रीको साथ आउनेछ भने फिजिकल सिम ट्रे मोडेल ५,३९१ एमएएच ब्याट्रीको साथ आउनेछ। एप्पलले सामान्यतयामेरिकामा ई असिम–मात्र आईफोनहरू बिक्री गर्दछ भने चीन सहित अन्य क्षेत्रहरूमा फिजिकल सिम ट्रे भएको आईफोनहरू बिक्री गर्दछ।
यदि ३सी डाटाबेसमा भएका संख्याहरू सही भएको खण्डमा भने ईसिम–मात्र भएको आईफोन १८ प्रो म्याक्सले आईफोन १७ प्रो म्याक्स भन्दा ४७९ एमएएच ब्याट्री क्षमतामा वृद्धि पाउनेछ र फिजिकल सिम मोडेलले ५६८ एमएएच वृद्धि पाउनेछ।
त्यसैगरी आईफोन १८ प्रोको ईसिम मोडेलमा ४,२८८ एमएएच ब्याट्री हुनेछ भने फिजिकल सिम संस्करणमा ४,०५६ एमएएच ब्याट्री प्याक हुनेछ। आईफोन १७ प्रोको ईसिम मोडेलमा ४,२५२ एमएएच र फिजिकल सिम मोडेलमा ३,९९८ एमएएच ब्याट्रीको साथ आएका थिए।
प्रकाशित: २५ असार २०८३, बिहीबार
