काठमाडौं ।
सामसङ ग्यालेक्सी जेड फोल्ड८ र जेड फ्लिप८ सिरिजहरूको लन्च नजिकिँदै गर्दा लीकहरुको तीव्रता बढ्दै गएको छ। एक प्रतिष्ठित स्रोतबाट आएको पछिल्लो लीकले ग्यालेक्सी जेड फोल्ड८ को केही प्रमुख स्पेसिफिकेसनहरूको खुलासा गरेको छ।
नयाँ ग्यालेक्सी जेड फोल्ड८ गत वर्षको ग्यालेक्सी जेड फोल्ड७ को प्रत्यक्ष उत्तराधिकारी होइन। यो वास्तवमा पहिले अफवाह गरिएको “ग्यालेक्सी फोल्ड वाइड” भएको र डिभाइसले भेनिलाको ठाउँ लिनेछ भने हालको जेड फोल्ड७ को वास्तविक उत्तराधिकारी ग्यालेक्सी जेड फोल्ड८ अल्ट्रा हुनेछ। सामसङले गत मे महिनामा डिभाइसहरुको नामकरण योजना परिवर्तन गर्ने निर्णय गरेको रिपोर्ट गरिएको थियो।
लीकले जेड फोल्ड८ लाई ४ः३ आसपेक्ट रेसियो अनुपात र क्यूएचडीप्लस रिजोल्युसनको साथ ७.६ इन्चको मुख्य स्क्रिनको साथ सूचीबद्ध गरेको छ भने कभर स्क्रिन क्यूएचडीप्लस रेजोल्युसन र १६ः१० आस्पेक्ट रेसियोको साथ ५.५ इन्च रहने जीएसएमएरिनाले रिपोर्ट गरेको छ।
पछाडिको क्यामरा प्रणाली एफ/१.८ अपर्चर भएको ५० मेगापिक्सेलको मुख्य एकाइ र एफ/१.९ अपर्चर भएको ५० मेगापिक्सेलको अल्ट्रावाइड शूटरमा साथ केही हदसम्म सामान्य हुनेछ। दुबै डिस्प्लेहरूमा परिचित १० मेगापिक्सेलको एफ/२.२ सेल्फी क्यामरा समावेश गरिनेछ।
डिभाइसमा स्न्यापड्रागन ८ एलिट जेन ५ फर ग्यालेक्सी एसओसी, १२जीबी सम्मको र्याम र १टीबी सम्मको आन्तरिक स्टोरेज समावेश गरिने भएको छ।
त्यसैगरी डिभाइसमा ४५वाट फास्ट वायर्ड र १५वाट वायरलेस चार्जिङलाई समर्थन गर्ने ४,८०० एमएएच ब्याट्री समावेश गरिने बताइएको छ।
रिपोर्टले आयामहरू पनि सूचीबद्ध गरेको छ र डिभाइस फोल्ड गर्दा १२३.९ × ८१.९ × ९.७ एमएम र अनफोल्ड गर्दा १२३.९ ×१६१.४ × ४.५ एमएम हुनेछ। त्यसैले डिभाइस ग्यालेक्सी जेड फोल्ड७ भन्दा बाक्लो हुने भएको छ। तर डिभाइसको केवल २०१ ग्राम तौललाई ध्यानमा राख्दा यो उल्लेखनीय रूपमा हलुका हुनेछ।
प्रकाशित: १९ असार २०८३, शुक्रबार
