काठमाडौं ।
आर्थिक वर्ष २०८२/८३ को एघारौं महिना जेठ मसान्तसम्म ल्यापटप तथा नोटबुक आयातमा उल्लेख्य बढोत्तरी भएको छ।
हालै भन्सार विभागले अद्यावधिक गरेको वैदेशिक व्यापारको २०८३ जेठ मसान्तसम्मको तथ्याङ्क अनुसार नेपालमा विभिन्न ३६ देश र एउटा नाम नखुलेको स्थानबाट ९ अर्ब ७१ करोड ३५ लाख ६६ हजार रुपैयाँ बराबरका जम्मा १ लाख ४० हजार १३२ थान ल्यापटप तथा नोटबुकहरु आयात भएको पाइएको छ।
तथ्याङ्कअनुसार ल्यापटप तथा नोटबुक आयातको आँकडा अघिल्लो वर्षको सोही अवधि अर्थात् २०८२ जेठ मसान्तसम्ममा ८ अर्ब ९ करोड ८५ लाख २४ हजार रुपैयाँ बराबरको आयात गरेको थियो ।
जेठ मसान्तसम्म ल्यापटप तथा नोटबुकहरु लागि यो रकम देशबाहिर जाँदा सरकारले १ अर्ब ८२ करोड ९३ लाख ६८ हजार रुपैयाँ राजस्व संकलन गरेको छ।
यस्तो छ सङ्ख्याका आधारमा उत्कृष्ट १० को विवरण:
| क्रं स | देश | विवरण (थान) | रकम (हजारमा) |
| १ | चीन | १०८५१५ | ७७३५८२४ |
| २ | भारत | १५० | ५९१३ |
| ३ | मलेशिया | २१८१ | १३८८५२ |
| ४ | जापान | १०० | ४४१९ |
| ५ | थाइल्याण्ड | ९९०० | ५३५५६८ |
| ६ | नाम नखुलेको स्थान | ८५४ | ४९२०५ |
| ७ | अमेरिका | २४५ | २६८६७ |
| ८ | भियतनाम | १६८९७ | १११९५४५ |
| ९ | यूएई | ५५१ | ३८७९१ |
| १० | ताइवान | १७८ | १७४६८ |
प्रकाशित: १४ असार २०८३, आईतवार
