काठमाडौं ।
२०२६ को पहिलो दुई महिनामा चीनको स्मार्टफोन बिक्रीमा थोरै असर परेको र गत वर्षको सोही अवधिको तुलनामा ढुवानी ४ प्रतिशतले गिरावट आएको छ।
काउन्टरपोइन्ट रिसर्चको चाइना वीकली स्मार्टफोन सेल–आउट ट्र्याकरका अनुसार, लुनार न्यू इयर (चन्द्र नयाँ वर्ष) को समयमा सरकारी अनुदान र प्रवर्द्धनको नयाँ लहरको बाबजुद चीनमा नयाँ स्मार्टफोनको माग अपेक्षा गरिएको भन्दा कम भएको उल्लेख गरिएको छ।
लुनार न्यू इयरको बिदाको अवधिमा चिनियाँ ब्रान्डहरूले फेब्रुअरीमा केही आकर्षण देखेको र जनवरीको मूल्यको तुलनामा ढुवानीमा थोरै सुधार भएको थियो। मेमोरीको मूल्य बढ्दै जाँदा भिभो र ओप्पो जस्ता ओईएमहरुले डिभाइसको मूल्य बढाउने भनेर उनीहरूले पहिले नै पुष्टि गरिसकेका छन्। साथै २०२६ को बाँकी समयको लागि अवस्थाहरु राम्रो नदेखिएको जीएसएमएरिनाले रिपोर्ट गरेको छ।
धेरैजसो ब्रान्डहरूको बिक्रीमा गिरावट आए पनि नयाँ रिपोर्टका अनुसार चुनौतीपूर्ण परिस्थितिहरूको बावजुद एप्पल र ह्वावे जस्ता केही ओईएमहरुले यो वर्ष आफ्नो बजार हिस्सा विस्तार गर्ने अनुमान गरिएको छ।
काउन्टरपोइन्ट विश्लेषकहरूका अनुसार, २०२६ को पहिलो दुई महिनामा एप्पलले स्मार्टफोन बिक्रीमा २३ प्रतिशत वृद्धि देखेको र आईफोन १७ को बलियो मागले गर्दा उक्त वृद्धि देखिएको उल्लेख गरिएको छ। एप्पलले उच्च कम्पोनेन्ट लागतहरू अवशोषित गर्न आफ्नो बलियो आपूर्ति श्रृंखला कनेक्सनहरूको फाइदा उठाउने अपेक्षा गरिएको छ।
अर्कोतर्फ ह्वावेले एक लचिलो घरेलु आपूर्ति श्रृंखला निर्माण गरेको छ र त्यसले विश्वव्यापी बजारमा बढ्दो मेमोरी मूल्यहरू विरुद्ध लागत बफरको रूपमा काम गर्नेछ। काउन्टरपोइन्टले मार्च र मे महिनाको बीचमा खराब समयको अपेक्षा गर्दै जुनको ६१८ सपिङ फेस्टिबल (ङकिनमेल महोत्सव) ले मागमा केही वृद्धि ल्याउन सक्ने आशा गरेको छ।
प्रकाशित: ९ चैत्र २०८२, सोमबार
