स्मार्ट फोन

वनप्लस सेभेन मे १४ मा सार्वजनिक हुँदै, ५जी फोनको रुपमा प्रो भर्सन आउने

वनप्लस सेभेन मे १४ मा सार्वजनिक हुँदै, ५जी फोनको रुपमा प्रो भर्सन आउने
Global IME Bank

काठमाडौं । चिनियाँ स्मार्टफोन मेकर कम्पनी वनप्लसले आफ्नो नयाँ फ्ल्यागशिप स्मार्टफोन लन्च गर्ने मिति सार्वजनिक गरेको छ । कम्पनीले आउँदो मे १४ तारिखमा नयाँ स्मार्टफोन वनप्लस सेभेन लन्च गर्नेछ ।

कम्पनीले यसपटक एकैचोटी तीनवटा देशहरुमा वनप्लस इभेन्ट आयोजना गर्दैछ, जसमा अमेरिका, भारत र यूरोपमा लन्च हुनेछ जसमा वनप्लस सेभेनका सिरिजहरु सार्वजनिक गरिनेछ ।

भारतमा भने यो इभेन्ट बेंगलुरुमा राती ८ः१५ बजे आयोजना हुनेछ । यो इभेन्टमा विश्वभरबाट ८ हजार भन्दा बढि सहभागी हुने अपेक्षा कम्पनीले गरेको छ ।

यसका साथै कम्पनीले वनप्लस सेभेनको लन्च टीजर पनि सार्वजनिक गरेको छ । जसमा विभिन्न कलरहरु तथा स्मार्टफोनको एज देखाईएको छ । यो एज पुरै कभ्र्ड छ, जसले गर्दा कम्पनीले कभ्र्ड डिजाइनमा वनप्लस सेभेन लन्च गर्ने अनुमान छ ।

वनप्लसले अमेजन इण्डियामा आफ्नो नयाँ फोनको लागि डेडिकेटेड ल्याण्डिंग पेज पनि तयार गरेको छ र त्यसमा नोटिफाई मी अप्शन दिईएको छ ।

वनप्लस सेभेनमा फूल डिस्प्ले डिजाइनमा आउने अपेक्षा गरिएको छ भने सेल्फीका लागि पप अप सेल्फी क्यामरा हुनसक्ने अनुमान छ ।

यसपटक कम्पनीले दुईवटा भेरिएन्ट लन्च गर्ने अनुमान छ जसमा वनप्लस सेभेन तथा अर्को वनप्लस ७ प्रो । प्रो भर्सन ५जी स्मार्टफोनको रुपमा आउने रिपोर्टहरुमा उल्लेख छ । यी दुबै फोनमा क्वालकम स्न्यापड्रागन ८५५ प्रोसेसर राखिनेछ भने १२ जीबी र्याम तथा २५६ जीबी आन्तरिक स्टोरेज हुने अनुमान छ ।

फोटोका लागि ट्रिपल रियर क्यामरा सेटअप हुनसक्नेछ जसमा ४८ प्लस, ८ प्लस १६ मेगापिक्सेलको क्यामरा हुनेछ ।

Sajilo Visa
easy care