एक चार्जमा ८६५ किलोमिटर इलेक्ट्रिक कार कुद्नसक्ने ब्याट्री आविश्कार

काठमाडौं ।

काठमाडौं । विश्वभर पछिल्लो समय इलेक्ट्रिक भेहिकल उत्पादन र प्रयोग गर्नेहरुको संख्या बढिरहेको छ । बढ्दो प्रदुषणले गर्दा इलेक्ट्रिक भेहिकलको संख्या बढिरहेपनि त्यसमा प्रयोग हुने ब्याट्री टेक्नोलोजी अझैपनि धेरैको लागि टाउको दुखाई भएको छ ।

सिमित क्षमताको ब्याट्री पावरले गर्दा इलेक्ट्रिक भेहिकलको वृद्धि र उपयोग अनुमान गरेअनुसार अझै भएको छैन् । तर हालै एक कम्पनीले ल्याएको ब्याट्री टेक्नोलोजीले समग्र इलेक्ट्रिक भेहिकल क्षेत्रलाई नै नयाँ आयाम दिने बताईएको छ ।

स्विडेनको स्टार्टअप कम्पनी इनोलिथले यस्तो लिथियम आयन ब्याट्री बनाएको छ, जसले एक पटकको चार्जमा इलेक्ट्रिक भेहिकललाई ९६५ किलोमिटरसम्म कुदाउन सकिन्छ । हार अनुसन्धानको तहमा रहेको यो ब्याट्री बजारमा आउन भने करिब ३ वर्ष लाग्ने कम्पनीले जानकारी दिएको छ ।

यो नयाँ ब्याट्री पावरले इलेक्ट्रिक भेहिकललाई अझ सहज र सजिलो बनाउने छ । जहाँ कम पावर र क्षमताको कारण इलेक्ट्रिक भेहिकले अन्य गाडिहरुलाई बिस्थापित गर्न सकेको छैन् ।

सो स्टार्टअप कम्पनीकाअनुसार बनाईएको १००० डब्लूएच/केजी ब्याट्रीको पेटेन्ट अझै हुन बाँकी छ र यो ब्याट्रीले हालको टेस्ला मोडल ३ कारको पानासोनिक ब्याट्री भन्दा तीन गुणा अधिक शक्तिशाली रहेको छ ।

एलन मस्कको कम्पनी टेस्लाले ल्याएको मोडल थ्री इलेक्ट्रिक भेहिकल कार सिंगल चार्जमा ४८२ किलोमीटरको दूरीसम्म कुदाउन सकिन्छ ।

स्टार्टअप कम्पनी इनोलिथका सीईओ सेर्गेई बुचिनले भने कि इलेक्ट्रिक भेहिकल सेगमेन्ट अहिलेको ब्याट्री क्षमताको सीमाबाट अझै समस्याग्रस्त छ । ग्राहकहरु सस्तो मूल्यमा यस्तो ब्याट्री चाहन्छन, जसले सिंगल चार्जमा अधिक रेन्ज दियो र यस्तो किसिमको ब्याट्रीमा आगो नलागोस् ।

इनोलिथ एनर्जी ब्याट्रीले यी सबै आवश्यकताअनुसारको ब्याट्री बनाउन सफल भएको दाबी गरेकोछ । रिपोर्टअनुसार शक्तिशाली ब्याट्री बनाउनका लागि कम्पनीले एउटा विशेष डिजाइन इनअग्र्यानिक इलेक्ट्रोलाइट तयार गरेको छ । जसलाई कम्पनीका अधिकारीहरुले नून भन्ने गर्दछन र यो साँच्चिकै नून जस्तै देखिन्छ ।

लामो दूरीको यात्रा इलेक्ट्रिक भेहिकलद्धारा गर्नको लागि यो ब्याट्री अहिलेको लिथियम आयन ब्याट्रीको तुलनामा निकै सुरक्षित भएको कम्पनीको भनाई छ । किनकी यसमा अहिलेको सुख्खा लिथियम आयनको साटो वाष्पशील रसायनको प्रयोग हुँदैन जून आगो लाग्ने मुख्य कारण हो । एजेन्सी