Technology Khabar ७ पुष २०८२, सोमबार
काठमाडौं ।
गुगलको एआई च्याटबट जेमिनीले भिडियो वास्तविक हो कि एआई–उत्पन्न हो भनेर छुट्याउन सक्ने क्षमता प्राप्त गर्ने भएको छ।
गत नोभेम्बरमा, जेमिनीले एआई प्रयोग गरेर तस्बिर उत्पादन गरिएको हो कि होइन भनेर जाँच गर्ने क्षमता प्राप्त गरेको थियो।
च्याटबटले अब एआई–उत्पन्न भिडियोहरू पनि पत्ता लगाउन सक्ने टेलीग्राफले रिपोर्ट गरेको छ।
जेमिनी एआई भिडियो डिटेक्टर क्षमता प्रयोग गर्न धेरै सजिलो छ। वास्तवमा, एआई भिडियो डिटेक्टरको प्रक्रिया एआई तस्बिर डिटेक्टर टुल प्रयोग गरिने तरिका जस्तै भएको बताइएको छ।
आफ्नो स्मार्टफोनमा जेमिनी एप खोलेर वा कम्प्युटरमा वेबसाइटमा जानु पर्नेछ। त्यसपछि, एआई प्रयोग गरेर भिडियो उत्पादन गरिएको भन्ने संका गरिएको भिडियो अपलोड गर्दै “के यो भिडियो एआईबाट उत्पन्न गरिएको हो?” भनेर सोध्नु सकिने छ।
यद्यपि, जेमिनीले हाल गुगलको आफ्नै टुल्सहरू प्रयोग गरेर सिर्जना गरिएका भिडियोहरू मात्र पत्ता लगाउन सक्ने बताइएको छ।
गुगलको एआई–संचालित तस्बिर पत्ता लगाउने टुल प्रयोग गर्दा पनि समान सीमा सामना गरिने उल्लेख गरिएको छ।
हाल १०० एमबी सम्मको अधिकतम आकार भएका र ९० सेकेन्ड भन्दा बढी लम्बाइ नभएका भिडियोहरू मात्र अपलोड गर्न सकिने छ।
प्रकाशित: ७ पुष २०८२, सोमबार
