आकाशिँदै गएको र्यामको मूल्यले अब गेमिङ ह्यान्डहेल्डहरूलाई असर गर्दै

काठमाडौं ।

बढ्दो मेमोरी मूल्यहरूले रियल–वर्ल्ड (विश्वमा वास्तविक) सुस्तता निम्त्याउन थालेको छ। बढ्दो मेमोरी मूल्यहरूका कारण अब स्मार्टफोन निर्माताहरू र पीसी निर्माणकर्ताहरूले मात्र प्रभावित नभएको बताइएको छ। पछिल्लो परिणाम गेमिङ ह्यान्डहेल्ड स्पेसमा पुगेको छ, एवाईएनले र्याम लागतमा तीव्र वृद्धिको कारणले आफ्नो टप–टियर ओडिन ३ अल्ट्रा मोडेलको ढुवानीमा ढिलाइ हुने पुष्टि गरेको छ।

एवाईएनले २४ जीबी र्याम र १टीबी स्टोरेजको साथ कन्फिगर गरिएको ओडिन ३ अल्ट्राको डेलिभरी जनवरी २०२६ को मध्यमा फिर्ता धकेलिएको बताएको छ। कम्पनीले ढिलाइको कारणको रूपमा सीधै र्यामको आकाशिएको मूल्यहरू र छोटो अवधिको मेमोरी आपूर्ति संकटलाई औंल्याएको गीज्मोचाइनाले रिपोर्ट गरेको छ।

परिस्थितिमा कही सहजता महसुस गराउनको लागि एवाईएनले प्रभावित ग्राहकहरूलाई दुई विकल्पहरू प्रदान गर्दैछ। खरीदकर्ताहरूले या त आफ्नो अल्ट्रा प्रि–अर्डर राख्न सक्ने र संशोधित ढुवानी समयरेखाको लागि पर्खन सक्ने वा १६जीबी र्याम र ५१२जीबी स्टोरेजको साथ आउने थोरै टोन्ड–डाउन ओडिन ३ म्याक्समा स्विच गर्न सक्नेछन्। म्याक्स छनौट गर्नेहरूले मूल्य भिन्नताको लागि केही लागत फिर्ता पाउनेछन् र हाल म्याक्सको मूल्य ४४९ अमेरिकी डलर रहेको छ भने अल्ट्राको लागि ५१९ अमेरिकी डलर मूल्य कायम गरिएको छ।

मेमोरी र स्टोरेज बाहेक, दुई मोडेलहरू धेरै हदसम्म समान रहेको छन्। दुबै मोडेलहरू क्वालकमको स्न्यापड्रागन ८ एलिट चिपसेटद्वारा संचालित हुनेछन् भने एक्टिभ कूलिङ, ६ इन्च १२० हर्ज ओएलईडी डिस्प्ले, ८,००० एमएएच ब्याट्री, माइक्रोएसडी मार्फत विस्तारयोग्य स्टोरेज, ३.५एमएम हेडफोन ज्याक र बाह्य डिस्प्ले सपोर्ट समावेश गर्दछन्। धेरैजसो प्रयोगकर्ताहरूको लागि, डाउनग्रेडले मुख्यतया पर्फर्मेन्सको सट्टा मल्टिटास्किङ्ग हेडरूम र स्टोरेज स्पेस (ठाउँ)लाई असर गर्दछ।

हालको परिस्थितिले कम्पोनेन्ट मूल्य निर्धारण प्रवृत्तिले विशिष्ट हार्डवेयर कोटीहरूलाई पनि कसरी असर गर्न थालेको छ भनेर प्रकाश पारेका छ। यदि र्यामको मूल्यहरू उच्च रह्यो भने कम्पनीहरू र उपभोक्ताहरू कन्फिगरेसनहरूमा पुनर्विचार गर्न बाध्य हुन सक्छन्।

आकाशिँदै गएको मूल्यसँग सम्बन्धित हालको परिस्थितिले स्मार्टफोन बजारमा पहिले नै बढिरहेको चिन्तालाई प्रतिबिम्बित गर्दछ र बढ्दो मेमोरी लागतले थप रूढिवादी र्याम कन्फिगरेसनहरू निम्त्याउन सक्ने बताइएको छ। यो फिचर–हेभी कस्टम यूआई स्किनहरू चलाउने इण्ट्रि–लेभल मोडेलहरूको लागि समस्या बन्न सक्ने बताइएको छ भने अन–डिभाइसमा बढ्दो जटिल एआई सुविधाहरू ह्यान्डल गर्ने अपेक्षा गरिएको प्रिमियम फ्ल्यागशिपहरूको लागि पनि समस्या बन्न सक्ने उल्लेख गरिएको छ।