सोकोनले ल्यायो हर्षोत्सव योजना: आकर्षक अफरहरु पाइने

काठमाडौं ।

यो दशैंमा सोकोन नेपालले खुशियालीको पर्वलाई अझ विशेष बनाउन आफ्नो ईभी भ्यान खरिद गर्नेहरूका लागि विशेष अफर ल्याएको छ। ग्राहकहरूले नयाँ ईभी भ्यान खरिद गर्दा उपहार, फाइनान्सको सजिलो सुविधा र निश्चिन्तताको अनुभव प्राप्त गर्न सक्नेछन्।

यस अफर अन्तर्गत खरिदकर्ताले यामाहा बाइक, टेलिभिजन र वासिङ मेसिन जस्ता उपहार पाउने कम्पनीले जनाएको छ। यी उपहारहरूले दशैं–तिहारलाई अझ रमाइलो बनाउनुका साथै सोकोन ईभी भ्यानमा भ्याल्यु पनि थप्नेछन्।

ईभी भ्यान बुकिङ गर्दा ग्राहकलाई सामसुंग ग्यालेक्सी ए०७ (६+१२८जीबी) स्योरशट उपहारका रूपमा दिइनेछ।

कम्पनीका अनुसार यस स्किममा १ वर्षको फुल-इन्स्योरेन्स (अटो प्लस) समावेश छ जसले नयाँ भ्यानमा निश्चिन्तताको अनुभव दिन्छ। साथै, क्यासलेस इन्स्योरेन्स पनि निःशुल्क उपलब्ध छ, जसले बीमा दावी गर्न झन् सजिलो बनाउँछ।

विशेष दशैं अफरको फाइदा स्वरूप यो आर्थिक वर्षको सम्पूर्ण रोड ट्याक्स पनि सोकोनले नै व्यहोर्नेछ जसले गर्दा ग्राहकलाई चाडपर्वको बेलामा थप आर्थिक बोझबाट मुक्त बनाउनेछ।

यो चाडपर्व अफर केवल उपयोगी सुविधा दिन मात्र नभई चाडपर्वलाई झन् उत्साहपूर्ण बनाउन ल्याइएको कम्पनीको दावी छ। उपहार, इन्स्योरेन्स र फाइनान्सको सहजता मिसाएर सोकोनले ग्राहकलाई आधुनिक मोबिलिटी र दिगो यातायातको साथमा दशैं मनाउने अवसर दिएको छ।