अनर प्ले १०सी ठूलो ब्याट्री र कम मूल्यको साथ आधिकारिक रुपमा सार्वजनिक

काठमाडौं ।

अनरले प्ले १०सी लाई आधिकारिक रुपमा सार्वजनिक गरेको छ। यो फोनमा ७२०x१६०४ रिजोल्युसन, १२० हर्ज रिफ्रेस रेट र १,०१० निट पीक ब्राइटनेस भएको ६.६१ इन्चको एलसीडी स्क्रिन रहेको छ। यो डिभाइस मिडियाटेक डाइमेन्सिटी ६३०० एसओसी द्वारा सञ्चालित हुनेछ।

डिभाइसमा एफ/१.८ एपर्चर भएको १३ मेगापिक्सेलको रियर क्यामरा, ५ मेगापिक्सेलको एफ/२.२ सेल्फी स्न्यापर र १५ वाट वायर्ड चार्जिङको लागि समर्थन भएको ६,००० एमएएच ब्याट्री समावेश गरिएको छ।

प्ले १०सी लाई धुलो र पानी प्रतिरोधको लागि आईपी६४ रेटिङ्ग पनि प्राप्त भएको छ। साथै डिभाइस ४/१२८जीबीको मूल्य ६४९ चिनियाँ युआन (९० अमेरिकी डलर), ६/१२८जीबीको मूल्य ६९९ चिनियाँ युआन (९७ अमेरिकी डलर) र ८/२५६जीबीको मूल्य ८९९ चिनियाँ युआन (१२५ अमेरिकी डलर) गरी तीनओटा र्याम/स्टोरेज कम्बोमा आउने बताइएको छ।

यो फोन नीलो, सेतो र कालो रङ्गमा उपलब्ध हुनेछ भने अनरको म्याजिकओएस ९.० सहित एन्ड्रोइड १५ चलाउने उल्लेख गरिएको छ।

यस डिभाइसको मापन १६३.९५ x ७५.६ x ८.३९ एमएम र तौल १९७ ग्राम रहेको छ। प्ले १०सी पहिले नै अनरको अनलाइन स्टोरबाट चीनमा किन्न उपलब्ध हुँदै आएको छ भने डेलिभरी अगस्ट १२ मा सुरु हुने तय भएको छ।

अनर प्ले १०सी आधिकारिक रूपमा चीन बाहिर उपलब्ध हुनेछ कि छैन भन्ने बारेमा भने स्पष्टता नभएको जीएसएमएरिनाले रिपोर्ट गरेको छ।