अनर प्ले ७० प्लस सार्वजनिक, यस्ता छन् विशेषता

काठमाडौं ।

अनरले चीनमा प्ले ७० प्लस लन्च गरेको छ। यस मध्यम–दायराको फाइभजी स्मार्टफोनमा स्न्यापड्रागन ६ एस जेन ३ चिपसेट, ७,००० एमएएचको ठूलो ब्याट्री रहेको छ।

स्पेसिफिकेसन र सुविधाहरूः

अनर प्ले ७० प्लसमा ६.७७ इन्चको एलसीडी डिस्प्ले रहेको छ जसले एचडी+ रेजोल्युसन, १२०हर्ज रिफ्रेस रेट, डीसी डिमिङ र प्राकृतिक प्रकाश विकल्प सहित मल्टिपल आई प्रोटेक्सन (आँखा सुरक्षा) मोडहरू प्रदान गर्दछ।

सुरक्षाको लागि, यसमा साइड–माउन्ट गरिएको फिङ्गरप्रिन्ट सेन्सर उपलब्ध छ। यसमा मेमोरी सफा गर्ने, ब्राइटनेस समायोजन गर्ने र डेलिभरीहरू जाँच गर्ने जस्ता द्रुत कार्यहरूको लागि समर्पित साइड एआई बटन पनि समावेश गरिएको छ।

डिभाइसमा रहेको स्न्यापड्रागन ६एस जेन ३ चिपसेटले लामो समयसम्म सहज कार्यसम्पादन गर्ने ब्राण्डले दावी गरेको छ। स्मार्टफोनमा रहेको ७,०००एमएएच ब्याट्रीले ४५ वाट द्रुत चार्जिङ र रिभर्स चार्जिङलाई समर्थन गर्दछ।

स्मार्टफोनमा सिङ्गल–क्यामरा सेटअपको साथमा ५०–मेगापिक्सेलको रियर क्यामरा छ जसमा अब्जेक्ट रिमुभल, ईमेज एक्स्पान्सन र आई करेक्सन जस्ता एआई सुविधाहरू उपलब्ध रहेका छन्।

अन्य हाइलाइटहरूमा ४०० प्रतिशत भोल्युम भएको डुअल स्टेरियो स्पिकरहरू, मल्टि–सिनारियो एनएफसी र म्याजिक ओएस ९.०–आधारित एन्ड्रोइड १५ समावेश छन्।

स्थायित्वको लागि, प्ले ७० प्लसमा गोल्ड लेबल फाइभ–स्टार ड्रप रेजिस्टेन्ट सर्टिफिकेसन, सुधारिएको इम्प्याक्ट रेजिस्टेन्ट (प्रभाव प्रतिरोध) को लागि पुनः डिजाइन गरिएको ताई ची सक अब्जर्बसन स्ट्रक्चर र फ्रेम डिफर्मेसन रिस्क कम गर्नको लागि रिइन्फोर्सड कर्नरहरू रहेका छन्। डिभाइसले धुलो र पानी प्रतिरोधको लागि आईपी६५ रेटिङ्ग पनि प्राप्त गरेको छ भने भिजेको हातले पनि सटीक टच रेसपोन्सलाई समर्थन गर्ने बताइएको छ।

मूल्य र उपलब्धताः
अनर प्ले ७० प्लस तीन भेरियन्टहरूमा उपलब्ध हुने छन्ः

८जीबी+२५६जीबीको मूल्य १,१९९ युआन (१६५ अमेरिकी डलर), १२जीबी+२५६जीबीको मूल्य १,३९९ युआन (१९५ अमेरिकी डलर) र १२जीबी+५१२जीबी को मूल्य १,५९९ युआन (२२० अमेरिकी डलर) कायम गरिएको छ।

यो स्मार्टफोन नीलो, कालो, गुलाबी र सेतो गरी चारओटा रङ्ग विकल्पहरूमा आउने छन् भने अगस्ट ८ देखि चीनमा बिक्रीको लागि उपलब्ध हुने गीज्मोचाइनाले उल्लेख गरेको छ।