गोपनीयता जोखिममा: विन्डोजले तपाईंको बारेमा कस्तो डाटा सङ्कलन गर्छ? थाहा पाउनुस्

काठमाडौं ।

वर्षौंदेखि आफ्नो विन्डोज अपरेटिङ सिस्टम मार्फत प्रयोगकर्ता डाटा सङ्कलन गर्दै आएको माइक्रोसफ्टले अब कुन जानकारी रेकर्ड गरिएको छ र प्रयोगकर्ताहरूले यसमा कति नियन्त्रण राख्छन् भन्ने कुरा साझा गरेको छ।

हालैका रिपोर्टहरूले विन्डोज १० (संस्करण १९०३ देखि) र विन्डोज ११ ले डाटालाई अनिवार्य र वैकल्पिक गरी दुई वर्गमा विभाजन गरेको दावी गरेको छ।

रिक्वायर्ड (आवश्यक) डाटा – डिजेबल गर्न नसकिनेः
विन्डोजले स्वचालित रूपमा प्राविधिक डाटा सङ्कलन गर्दछ र प्रणालीको सुरक्षाका साथै सामान्य कार्य सुनिश्चित गर्न प्रयोग गर्दछ।

यसमा डिभाइस, इरर्स (त्रुटिहरू), पर्फमेन्सका साथै “फाइण्ड माई डिभाइस”, “क्लाउड क्लिपबोर्ड”, ब्याकअप, स्मार्टस्क्रिन आदि जस्ता सेवाहरूको प्रयोगको बारेमा जानकारी समावेश हुने बताइएको छ।

अप्सनल (वैकल्पिक) डाटा – यसलाई अफ गर्न सकिन्छः
यसमा टाइपिङ र स्पिकिङ हिस्ट्रि, एप प्रयोग र ब्राउजिङ जस्ता कुराहरूका साथै इस्टलेसनस स्वीकार गर्ने र प्रयोगकर्ता अनुभव सुधारहरू बारे विवरणहरू समावेश रहने बताइएको छ। माइक्रोसफ्टले विज्ञापनहरू सहित यसलाई प्रोडक्ट (उत्पादन) सुधार र पर्सनलाइजेसन (निजीकरण) को लागि प्रयोग गर्दछ।

प्रयोगकर्ताहरूले सेटिङ्गस श्र प्राइभेसी श्र डायग्नोस्टिक्स र फिडब्याकमा यी सेटिङहरू व्यवस्थापन गर्न सक्नेछन्। साथै उनीहरूले यहाँ डाटा सङ्कलनको स्तर छनौट गर्न सक्ने र “टेलर्ड एक्सिपिरियन्सेस” (अनुकूलित अनुभवहरू) सक्षम गर्न सक्नेछन्।

यद्यपि, न्यूनतम स्तर चयन गरिए पनि, केही आवश्यक डाटा भने अझै पनि माइक्रोसफ्टमा पठाइने उल्लेख गरिएको छ।

यस बाहेक त्यहाँ रहेको डायग्नोस्टिक डाटा भ्यूअर नामक एक विशेष टुलले कुन डाटा सङ्कलन गरिएको छ भनेर स्पष्ट रूपमा देखाउने बताइएको छ। तर यसको लागि लगभग १ जीबीको अतिरिक्त ठाउँ चाहिने र पूर्वनिर्धारित रूपमा सक्रिय नहुने टेलीग्राफले रिपोर्ट गरेको छ।